翔龍拉麵小籠包@20150130

2015年 1月 30日 (星期五)

是日 HAPPY FRIDAY﹗之前大頭妹派成績表，老師讚佢表現好，應承大頭妹帶佢去玩下﹗等大頭妹學完畫畫，就去 "夢之島" 玩，再出街食晚飯﹗

今次唔去 FOOD COURT，去翔龍拉麵小籠包，好似無之前咁多人，其實食物水準都OK，不過服務水準...好似差咗...因為同工人姐姐一齊去，睇下 MENU 有咩無豬，呢條問題我成日都問，中國人餐廳，叫個嫩雞煨麵都話個湯有用豬骨去煲，翔龍個侍應竟然答我全部都無豬﹗我真係返問佢...小籠包都無豬？﹗佢仲好似覺得我玩野，我再講工人姐姐係印尼人唔食得豬，所以要問清楚﹗不過我估佢都唔會清楚，我再問佢牛肉麵有冇豬，佢答我無，我就點咗牛肉麵﹗另外再叫咗上海粗炒﹑翔龍炒飯﹑醉雞﹑鍋貼﹗

阿旺提我提佢...下次唔好叫醉雞...

叫比工人姐姐的牛肉麵﹗

鍋貼都OK好味﹗

翔龍炒飯...平時大頭妹好鍾意，今日見佢唔食...摸下佢...好似發燒...去一去 GAME CENTRE...有冇咁快見效呀？﹗

上海粗炒都好好味﹗

小丸子好愛上海粗炒，一個人食咗半碟 (即 3碗仔)﹗

睇佢個樣幾 "陶醉"﹗

唉...成日唔想 2個囡 "悶" 係屋企，一時大意...唔記得依家係流感高風期，去到夢之島已經覺得奇怪點解咁少人，相信好多家長依家都好小心，少咗帶小朋友去 GAME CENTRE，結果...真是唔知咁岩得岩橋...大頭妹玩完到食晚飯...都無 1個鐘，就開始發燒啦﹗媽媽們都真是要小心啲﹗呢排真是要忍下...唔好帶小朋友去 GAME CENTRE﹗