傻夫婦九州親子之旅 DAY 4 【豪斯登堡/博多車站拉麵街/天神】

 

2016年 7月13日 (星期三)

今日無特別 plan 行程，訂了 11:46 的火車，回到博多就是 1:36。酒店11:00 check out，所以 check out 後都仲有足夠的時間去火車站，酒店有 shuttle bus 去公園大門，可以事先問一下時間有個預算。

回程其實有 2班火車，今次的經歷會令我推介大家坐第一班火車回博多，即是 10:46的車，回到博多是 12:34。首先是如果住園外酒店，其實早上都沒有什麼地方去，坐10:46的火車，早少少回博多仲好。其次，不知道是我地不好彩，還是天氣問題，而且是暑假前的平日，我地坐第2班直通的火車，竟然取消了﹗在日本普遍嗎？﹗我真的不知道﹗我只知道我目測，個班火車只有大約 20人內在豪斯登堡上車，加上超大雨，停駛都正常 (我估早一班會多啲人呱？﹗如果唔係即是好少過夜客？﹗)。之後我地去等下一班車去早歧，再轉車返博多，足足用多了 1小時，差不多 3:00才回到博多，浪費了半天的時間。

近豪斯登堡 JR站的大倉酒店 (都近樂園出入口)，LOBBY有好大間賣手信的地方，可以作最後SHOPPING﹗不過我發現我係TEDDY BEAR館見到的手巾仔，就真是得個間SHOP有。呢度仲有麵包店同 FAMILY MART，不過我地去個日就岩岩裝修，我地就係麵包店買咗一袋包比大頭妹小丸子上車食﹗

其實豪斯登堡 JR站都有一間好細的便利店，可以買少少乾糧飲品上車食﹗

唉...因為要轉車，又要等下一班去博多的火車，我地一家無聊玩『飲品機』，一人一杯，大頭小丸玩得好開心﹗佢地飲凍朱古力，我飲熱朱古力咖啡﹑阿旺飲齋啡，佢話佢杯齋啡好好飲。

之前一班又等 20分鐘，今次呢班又 20分鐘，車程又長咗 20分鐘，所以遲咗成個鐘呀﹗

去到博多我已經餓到手震，佢地 2個食晒啲包，成個早上到 3:00，我都係飲過一杯咖啡咋﹗即刻去博多站的拉麵街搵食﹗

見呢間好多日本人係門口就食呢間，TEA TIME時間，好多間都無人架﹗

呢間拉麵店個豬骨湯真是不得了，啲豬味濃到大頭妹問我...咩咁臭...唉？﹗佢真是好唔鍾意食，不過好多人同我講因為我陀佢前食素，所以佢唔受得肉味，唔知有冇根據？﹗

麵加一口餃子是 TEA SET，好似 880YEN？﹗

個明太子飯都係，加拉麵是 TEA SET，一樣 880YEN？﹗

另外點了雞蛋，有雞蛋的地方，點隻蛋就可以解決小丸子，佢一次可以食 2隻，但我只會比一隻佢食。

食得幾滋味？﹗

見大頭妹無咩點食，返到天神，又去壽司店買壽司比佢食﹗


好抵，890YEN咋﹗

今日 BOOK 咗 8:00食燒肉，可以行一陣街先﹗

PARCO 有 ONE PIECE SHOP，是阿旺的指定景點。

有個小妹妹...去咗旁邊玩唔知咩機？女仔變身個啲呢？﹗我淨係識『美少女戰士』...唔認老都唔得。

行咗一陣就夠鐘去【大東園】食燒肉啦﹗嚟咗 4日我都未正式SHOPPING過﹗點解我次次PLAN行程都排晒2個囡同老公先架﹗下次...下次我一定要PLAN自己SHOPPING先﹗

大家 LIKE 咗我地個 FACEBOOK PAGE未呀？﹗未就快啲 LIKE 啦﹗