傻夫婦九州親子之旅 DAY 5 【晚餐: 博多名產牛雜鍋笑樂/ 宵夜: 屋台初體驗】

2016年7月14日 (星期四)

行程的最後一晚，即是最後一餐晚餐啦﹗最後我地揀咗食【博多名產牛雜鍋笑樂】， 本來阿旺話唔食牛腸鍋，不過食完【大東園】的燒牛腸，佢就改變主意﹗我自己就一向鍾意食人地的地道野，只要唔是什麼炸昆蟲，我都會鍾意試下，但食牛腸鍋就要放棄【 釣船茶屋】，阿旺話佢其實係驚啲囡唔岩食，咁佢就放心啦，基本上小丸子咩都食，大頭妹有白飯就得，所以去邊度食，其實唔洗考慮佢 2個。

博多名產牛雜鍋笑樂: http://www.shoraku.jp/

牛腸鍋是 1180YEN/ 1人份，我地因為打算之後再去食屋台宵夜，所以只點了 2人份。

另外再點了年糕片同豆腐，小丸子最鍾意食豆腐，去到邊度叫豆腐比佢食就可以啦。


阿旺點了燒明太子，佢話都係生食好食，其實小丸子似佢囉，咩都生食﹗

叫多個魚餅比大頭妹小丸子食﹗

大約 15分鐘到就食得啦﹗

頭先係酒店訓咗 2個鐘，依家古靈精怪啦﹗

小丸子食梗韭菜﹗

哈﹗真是估唔到，2個囡竟然好鍾意食牛腸鍋個麵 (麵是另點的)，又可能因為其實今日都無食啲咩，不過個麵真是好味﹗

好難得大頭妹食得咁專心﹗

小丸子...就更加唔洗講啦﹗

阿旺話推介喎﹗

食完一陣超市，就行出去搵屋台啦﹗我話嚟咗福岡咁多日，連屋台都未見過，實咗太過份啦﹗我地食呢檔是旅遊書有介紹的，就係『大丸』前，果然好好味﹗

燈光昏暗 + 用手機影，影唔到個神韻，不過我想話真是好好好好味﹗﹗﹗原來蛋加明太子加沙津醬係咁夾﹗

雞/ 豬串，大部份都是 150YEN，真是又平又好味﹗超級推介﹗

牛柳粒 750YEN，呢個就反而普通，乾咗少少。

其實仲有好多其他野食，下次再去福岡的話，一定要食一餐屋台晚餐，試多幾款唔同的食物，我見佢都有少少海鮮類都想試下，不過真是好飽啦﹗

關東煮都好吸引﹗

比個 MENU大家睇下﹗

返到酒店再食晚餐做飯後甜品﹗

最後一晚啦﹗我真是好唔捨得福岡，去咁多次旅行，今次好似最唔捨得﹗

 大家 LIKE 咗我地個 FACEBOOK PAGE未呀？﹗未就快啲 LIKE 啦﹗