【雞仔嘜】緻美綿系列- 保證不含甲醛、無致癌染料

每年冬天都會收到【雞仔嘜】送比我同阿旺的保暖內衣，今年到大頭妹小丸子收禮品，是『緻美綿系列』的背心內衣﹗時間剛剛好，媽媽我總是鍾意暑假一次過預備新的校服﹑鞋﹑襪﹑內衣褲比小朋友，到時全部新的開學，醒醒神神﹗
 
兩個都是著 110碼，小丸子比大頭妹更『稱身』﹗大頭妹小丸子明明 2個差 2年，之前又話生 2個女，大既著完細既著，可以慳返啲買衫錢﹗結果小丸子以驚人的速度成長，先 2年已經反超前大頭妹，依家重大頭妹 7磅，所以平時要處理佢地 2個的內衣褲都好頭痛，始終面衫/ 褲/ 裙就話 share著，內衣褲都是分開好少少，所以我專登一個揀『吊帶』，一個揀『背心』，就算工人姐姐粗心大意，都唔會掉亂﹗
 

小丸子好動，背心款岩佢多啲。


吊帶款岩著裙/ 領口大的衫時著。

【雞仔嘜】緻美綿系列100%純綿，印有Oeko-Tex Standard 100認證標誌的紡織產品，達到國際紡織品安全性的標準，保證通過對人體無害物質測試，減低小朋友穿著後引致敏感。


保證不含甲醛、無致癌染料，媽媽可以好放心比小朋友著！

唔知雞仔嘜會唔會出連身底裙，大頭妹小學規定著校服裙入面要著連身底裙，我有諗過買140碼當連身底裙著。
 



緻美綿仲有一個優點，就是特別吸汗，可以幫助減低出汗帶來悶熱感，岩晒成日成頭大汗的小丸子。(唔知點解成日覺得小丸子影相個樣好得戚﹗)

呢款『通花款』感覺上更加透氣。


哈哈，呢張唔關事﹗

(產品由雞仔嘜提供) 

關於雞仔嘜 - 『最好的．給家人』

雞仔嘜是為每個人打造貼心內衣的香港品牌。 雞仔嘜以待家人的心，去對待每位顧客，承諾用卓越的品質、舒適的穿著感，及以簡約的設計，令每個人感受到如同擁抱般的溫暖親切感。

雞仔嘜於1953年創辦，品牌以豐衣足食的願景，並本著點點關懷與創意，由創辦至今開發出不同的産品，由防縮、防蛀的輕暖羊毛內衣，到排汗與保暖兼備的「心膚吸」智能保暖內衣。儘管品牌形象亦不斷革新，雞仔嘜始終貫徹精細優良的工藝及質量始終不變，是家庭成員及摯友親朋互相傳達溫馨愛意的工具。

幾經革新兌變的雞仔嘜，屢獲殊榮，2012年，中華廠商會選爲「香港名牌十年成就」獎；2009-2013年，連續5年獲選為「全港最多人選購的保暖內衣」，産品與品牌備受肯定。現時，雞仔嘜分店遍佈全港，合共26間門市及以19個百貨專櫃。

【雞仔嘜】
網址: http://www.chicks.com.hk
Facebook: http://www.facebook.com/hkchicks


 大家 LIKE 咗我地個 FACEBOOK PAGE未呀？﹗未就快啲 LIKE 啦﹗