2019年3月1日 星期五

世界上最恐怖既人




最近Momo鬧得滿城風雨,家長group好不熱鬧,因為大頭小丸成日都有睇YouTube,所以我都循例問下佢地睇YouTube 時有冇見過啦!

點知佢地話真是有見過😱!小丸子露出驚慌的神情話見過😨,但唔係睇Pepper Pig時見到,大頭妹話係套法國卡通見過,Momo 無講野就咁望下望下。之後小丸子話好驚,我就叫佢搵爸爸,點知爸爸掛住打機📱,我就叫佢地自己call天父,從來未見過佢地咁認真唸天主經🤣,之後我再問佢地有冇野同天父講,小丸子好正路,叫天父快啲叫警察拉咗Momo同做Momo出嚟的人。大頭妹叫天父幫佢唔好受Momo 誘惑,又叫天父寬恕做Momo的人,希望天父幫佢改過自身,唔好再嚇小朋友。佢成日乖到我覺得我都要好好向佢學習。

之後佢地仲不停講不停講,仲叫我要send比其他同學叫人地小心,我話依家考試週呀⋯⋯唔好騷擾人啦!然後我問佢地:你知唔知世界上邊個最恐怖☠️☠️☠️?!就是考試週既媽媽😏,所以你地好安全,因為呢刻地球上最可怕的生物就坐係你旁邊,仲唔快啲溫書,你地就會見識咩叫真正的恐怖!其實 Mama 同 Momo 都是差兩個英文字母啫!🤷🏻‍♀️ 

小丸子個驚樣。





睇完大頭妹畫既肉酸 Momo,比返幅靚靚 Sumikko Gurashi 比大家睇。



沒有留言:

張貼留言

Related Posts Plugin for WordPress, Blogger...