2014年3月17日 星期一

南乳炆齋 (附食譜)

每年新年去阿旺姑媽家都會吃南乳炆齋,而且阿旺姑媽煮得非常非常好吃﹗齋是一早炆的,我沒有機會跟姑媽學一次,不過我都有返屋企試煮,如是者煮了幾次,覺得味道合格,才出食譜的﹗當然同姑媽煮的,仍有一段距離,下次有機會一定要請教姑媽﹗

其實南乳炆齋不難煮,最難是要預備好多不同的材料﹗我通常都是星期六煮,平時好難要工人姐姐一邊看大頭妹小丸子,一邊預備太多功夫的餸菜,雖然最後都是我炒,但事前功夫是工人姐姐預備的嘛﹗

材料方面都好隨意,除咗津菜是必要的,其他菇類﹑豆品類都是可加可減,買到什麼就加什麼啦﹗不過其實我覺得...最畫龍點睛的是髮菜,我煮幾次都沒有加,我見姑媽是有加髮菜的,的確是有特別的風味﹗另外就是山根,上次加了山根,大家一齊 "尋寶"﹗

南乳炆齋

材料:
菜類: 津菜 1棵 (洗凈,切段)
菇類: 冬菇﹑木耳﹑金針(浸軟)/ 秀珍菇/
豆品類:炸枝竹 (枝竹亦可) 1包/ 山根 1包/ 炸豆腐卜
其他: 粉絲 (用熱水浸軟)

*其實材料都好隨意,可因個人喜好加減,不過最好都要有 5款以上,咁先有唔同口感﹗另可加: 紅蘿蔔/ 栗米芯/ 草菇/ 髮菜/ 荷蘭豆

調味料:
南乳 1磚/ 酒 少少/ 老抽 少少/ 片糖 少少 (可用黃糖代替)/ 麻油/

做法:
1. 先把冬菇/ 木耳 (浸軟)/ 秀珍菇/ 草菇飛水,可除菇的草味,到煮的時候出少啲水。
2. 再把炸枝竹/ 山根/ 炸豆腐卜出水,這個步驟一定不能 SKIP﹗我上次忘了影一影出水後個一煲水...見過大家就明...飲咗個煲水...一定身體健康﹗﹗﹗ 
3. 先炒津菜,盛起備用。
4. 用麻油起鑊,加入南乳﹑紹酒煮開 (有需要可加入煮津菜剩下的水)。
5. 加入全部材料略炒 (令所有材料都佔上南乳醬),再加入老抽﹑片糖,煮先全部材料軟身即可。


3 則留言:

  1. 我會加紅蘿蔔, 有些紅色賣相會靚d.

    回覆刪除
    回覆
    1. heheh...我唔鍾意食紅蘿蔔...所以無落,如果唔係多啲紅色真係靚好多﹗

      刪除

Related Posts Plugin for WordPress, Blogger...