2014年6月12日 星期四

親子入廚樂: 芒果涼粉

自從太安樓檔串燒檔無做之後,我地都好少再去太安樓宵夜了﹗不過間中都會想食下阿婆糖水的 "芒果涼粉"﹗見最近天氣熱,我又買咗舊涼粉同 2個囡玩下切涼粉﹗上年就得大頭妹有份切,今年就小丸子都可以一齊切啦﹗

其實小丸子都切到架﹗2歲幾啦...切到又有咩出奇,好多落後地方的小朋友,2歲入廚房幫手用真刀啦﹗仲用膠刀,切到仲好似好開心咁 (我講個媽咪,即是我自己)。

大頭妹今年切得好好啦﹗真係粒粒都咁上下大細﹗good job﹗做事認真的小朋友﹗

嗱...比個近鏡大家睇,真係粒粒大細一樣架﹗

小丸子呢...就切切下自己食...

比佢笑c...果然是為食妹﹗

唉...呢啲無出過街,因為怕爸爸會鬧,我只係行一行開...佢就攪到成地都係...

食完唔鍾意..又 lur返出嚟,最後小丸子切的...全部唔要得,因為都唔知邊啲比佢食過﹗

trouble two...果然名不虛傳﹗

最後大頭妹幫手切咗好多,一半都係大頭妹切架﹗我再加返啲芒果同什果混合,雪凍就食得啦﹗hahahah...大頭姨姨問點解芒果多過涼粉,因為舊涼粉要 $16,但呢期芒果好平,$12.9有 4個﹗

仲好美味添呀﹗


大家 like 咗我地的 facebook page未呀?﹗未就快啲 like啦﹗多謝支持﹗

2 則留言:

Related Posts Plugin for WordPress, Blogger...