今日35週6日，比上次陀大頭妹的時候早了返瑪麗，上次去到37週 (足月) 先去瑪麗做檢查的。
去 到又是例行的磅重﹑量血壓﹑驗小便。今次有重少少，55.5KG (比上星期重了0.3KG)，去到的時候血壓有少少高，要休息 20分鐘再量過﹗可能是因為去的時候的士司機行錯路，係上環一轉...轉返出中環，去到中環又唔識兜返去上環...最後去到灣仔先兜返轉頭...我幾驚佢 一直行...行入紅隧...
。我同阿旺當時都心諗，好彩今日只是做檢查，如果真是"陣痛"入院...真是比佢玩死。要等20分鐘，我同阿旺就去食個早餐，食完再量血壓就正常啦
﹗唔知點解...10:00未夠，魚柳同牛扒都賣晒﹗﹗﹗
最後都要等到11:00先入去見醫生﹗醫生話都是重得太少，見我的血糖控制得好好
，叫我食返多少少，不過就不可以一次過食太多澱粉質﹗可以減少篤手指的次數，1日篤3次就可以 (餐後)﹗其實我發現我食一個麥當奴餐/ 一件蛋糕/ 一碗糖水/ 一包檸檬茶都無超標
﹗醫生量肚都話BB SIZE偏細，不過佢話得上一胎都是細，問題應該不大﹗不過我上次每次覆診都超重喎﹗﹗﹗下一次的例行檢查就要到 4月26日返健康院 (唔知點解下星期唔洗返呢？﹗)，到時應該已經開始放產假啦﹗HEHEHE...返多2個星期就開始放產假啦﹗不過星期五又要返贊育做B型鏈球菌的測試，上一次好似無做這個檢查？﹗定一或是我忘記了呢？﹗
又開工織衫比大頭妹﹗今次織薰衣草紫色
﹗﹗
太多外套，今次織過頭笠，簡簡單單﹗希望產假的時候可以織完﹗﹗﹗
沒有留言:
張貼留言