週末

上 個星期六，原本約了一個本地完約的工人見面，所以我都跟埋去同大頭妹一齊上PLAYGROUP﹗因為限一個家長上堂，只有上堂前的PLAY TIME同CIRCLE TIME可以有2個家長，其實我好少同大頭妹上PLAYGROUP，要坐矮櫈上堂，對我依家個大冬瓜來講有少少難度﹗點知一去到就收到對方的SMS話自己 已經比人請咗﹗HEHEHE...當難得陪下個囡上堂啦﹗

大頭妹好鍾意坐車車，可能因為屋企無啦﹗

衰女包...仲未上堂就打呵欠？﹗


星 期日一早叫奶奶來接走大頭妹，我地下午又要出動﹗夜晚去接返大頭妹同老爺奶奶去和民食晚飯﹗今期又有 AEON CARD優惠，點了一個2人餐再加其他小食﹗其實 4人餐仲抵﹗不過一定食唔晒囉﹗2人餐有溫泉蛋沙律﹑三文魚刺身﹑雞肉串燒﹑飯﹑火鍋﹑小食﹑飲品2杯﹗飯同火鍋都可以3揀1，小食仲有得4揀1﹗真是好 彈性﹗

溫泉蛋沙律好味﹗

三文魚刺身...我又偷食了2片﹗

飯可以在3款之中揀1款﹗牛肉飯﹑牛肉石頭飯﹑海鮮石頭飯。
我地今次揀海鮮石頭飯，大頭妹吃了半碗仔呢﹗

牛肉火鍋，次次都是揀呢個，都無留意另外2款是什麼﹗

雞肉串燒


以下是另外點的﹗

牛油焗帶子

炸雞軟骨

廣島燒餅﹗


經 過連日的努力，我地終於CONFIRM了一個菲律賓海外的女傭，未出過國，28歲已婚，自己有3個小朋友。暫時算放下心頭大石，不過一日未返工，一日未知 點。好多人話未出過國的可能會有HOME SICK，仲要有3個小朋友，我同阿旺睇PROFILE的時侯，有時見好多小朋友都是 2-3歲大，仲有一個幾個月，都覺得好似好慘咁﹗自己小朋友咁細，就要出去打工，仲要好多唔知點解老公都無野做﹗﹗﹗一個出去打工養全家上下大小﹗﹗﹗港 女唔易做﹗不過菲律賓的女人都真是唔易做﹗