2012年4月17日 星期二

飲茶@玉桃軒

復活節假期的最後一日,今日我屋企好熱鬧﹗老爺奶奶來幫我整 "薑醋" ,約了師傅上來度尺做床同新書枱,又約了HKBN裝上網﹑電話同電視﹗

整薑醋之前先去飲茶,前日飲完太古城鍾菜,今次又飲返樓下玉桃軒﹗其實2間的食物質素好似差唔多,玉桃軒的服務好似仲好少少﹗2次都是叫個侍應攞多一張櫈,雖然玉桃軒叫了3次才做好,不過總好過鍾菜個侍應,竟然叫我阿旺仔自己去攞﹗依家無收服務費呀?﹗有什麼理由叫個客自已做?﹗
蝦球


燒賣


千層糕


灌湯餃

雞包仔

鳳爪

金錢肚


飲完茶我同阿旺去快圖美曬相,可惜同個店員溝通唔到,最後曬出來的不是我地想要的...我地曬 12*18要大約$80﹗如果要做到我地想要的油畫加架,原來要再加多最少 $280﹗我去另一間可以曬到2幅油畫啦﹗﹗

返到屋企師傅已經到了﹗佢仲同我講,佢問大頭妹揹著個書包去返學呀?﹗我個囡答佢 "返工呀﹗" ﹗﹗﹗笑C佢﹗﹗﹗因為我地每朝出門口都會同佢講 "媽媽返工啦﹗",所以佢覺得拎手袋出門口是 "返工" 囉﹗佢返學就通常同佢講 "GO TO SCHOOL" 嘛﹗

之後HKBN上來裝機,HEHEHE...以後有 DISNEY CHANNEL比大頭妹睇啦﹗終於有屋企電話啦﹗搬出來 7年有多,未試過有屋企電話﹗不過有工人姐姐都是有個電話好少少。

4日的復活節假期,眨眼就完啦﹗下次我的長假呢?﹗會是我的產假啦﹗YEAH﹗

沒有留言:

張貼留言

Related Posts Plugin for WordPress, Blogger...