Corporate Social Responsibility (CSR) – Art Jam

好開心今次係我第一次真真正正咁做義工，那天我地去了東華三院賽馬復康中心，
都有20+人出席，分為三組，”工作”範圍係有兩個部份，
一) 演繹傷殘人士去完成一些任務， 二) 同傷殘人士一齊畫一幅畫。
雖然今次做嘅時間只係短短嘅三小時，相信對於院友黎幫助係不大的，但自己嘅體會就好深。

聽完社工初步嘅講解我地就開始第一個環節，

A組要扮演糖尿病患者，雙手關不能屈曲，雙腳加上鉛

B組要扮演有白內障患者，佢地要帶一幅特制眼鏡，幅眼鏡只係得兩個好細嘅視點

C 組即係我嗰組，我要扮演雙腳不能活動，要坐輪椅嘅人。

我地三組要分別去幾個唔同嘅check point去收集畫筆，當中要上落樓梯/斜路，入廁所，
上落升降機，讓我地體會一下傷殘人士會面對嘅難處。坐在輪椅上嘅我開始明白到，有幾多不便﹗
只係一級樓梯你就唔會過到所以就要兜路，仲有出入門口要人幫手推/拉門，
入升降機又要好有技術先唔會阻到人，我嗰組最先一隊開始但最尾一隊返，
因為升降機最多入到兩部輪椅。



最後我地收集晒所有畫筆就係用黎同院友畫第二部分嘅畫。

其實我未試過同傷殘人士相處，所以對於他們嘅野我都不太清楚，
所有我得知的都係從媒體中接收來的，所以大多是一些負面嘅描述。
但當直接和他們相處過後，才發現他們並不是我所”認知”的那樣有情緒問題的。
有D院友會好熱情佢地會好主動同你握手擁抱，有D院友好聰明，
佢地甘甚至可以照顧返我地轉頭，中心分配給我的是一位比較開朗，
有個好燦爛的笑容，還有一樣可愛的感覺，所以好深印象。
而今次我地畫嘅係對方嘅人像，大家都玩得好開心，最後影左好多大合照。 

我知道今次嘅活動對於院友來說我只係一班在他生命中出現過1個小時多嘅過客，
但我嘅體會就好深，我明白到好多事唔係必然，但快樂其實可以好簡單，
也讓我感受到施比受更有福嘅道理，所以我想係度呼籲一下如果大家有能力或者時間，
不妨做下義工。下次我會講下我係《一線通，平安鐘》嘅經過。