大頭妹18個月啦﹗

真是斬下眼，大頭妹就18個月啦﹗歲半以後，就叫做大B，不再是小B﹗行為上果然有分別......最近真是百厭咗﹗

最明顯的是依家出街唔比人拖﹗要自己四圍行﹗試過一次帶佢去JUSCO SUPERMARKET，佢要自己行，之後又要企係個貨架前面玩，我見佢只是將啲麵豉排好，我同佢講我要走啦 (阿旺已經激到自己行)﹗ 佢都唔肯行，我扮走啦，行埋一邊 "莊" 佢，佢竟然自己一個玩足5分鐘，不過佢間中都會望向我的方向，又比佢見到我喎﹗之後有個職員行埋去問佢 "你叫咩名？﹗你媽媽係邊呀？﹗" ，佢都只是微微退開一步，之後繼續玩﹗玩多兩玩，可能真是見不到我，先向我原本企的方向跑﹗

之後阿旺就 "強行" 將佢抱起，唔比佢落地﹗但我又覺得如果唔比佢落地，帶佢落街仲有咩意思？﹗總之阿旺一抱起佢，大頭妹就會好慘咁叫 "街街﹑街街" ﹗我又唔忍心，之後又會話我自己抱返，然後又放返大頭妹落地﹗阿旺又會話我 "慈母多敗兒"﹗