2013年7月10日 星期三

外傭公司有問題?﹗

【晴報專訊】最近網上流傳有中介公司向外傭發短訊,以高薪兼送超市禮券利誘她們跳槽。有僱 主指外傭因此「扭計」要求加薪,但涉事的中介強調此乃正常商業行為。僱主團體炮轟相關公司為賺中介費,做法有違商業道德;中介組織更指業內有害群之馬,常 以「嗱渣招」招攬外傭。(全文: http://hk.news.yahoo.com/%E5%A4%96%E5%82%AD%E6%89%AD%E8%A8%88%E8%BD%89%E5%B7%A5-%E4%B8%AD%E7%94%A2%E5%83%B1%E4%B8%BB%E5%BF%83%E7%85%A9-224449580.html)


前日睇報紙,見到話有外傭公司發短訊比外傭叫佢地 "跳槽",以為是一些細的艇仔公司,嘩﹗原來係我用個間外傭公司﹗我最近仲比工人姐姐返agent學煮餸,我同阿旺都即刻好驚﹗
其 實到目前為止,我幾滿意佢地的服務,佢地可以上網自己揀外傭 (對當時陀住8個月小丸子的我來講是非常好啦),佢地對工人都幾 "嚴",女傭頭 7個月的傭金,係由僱主直接比,期間女傭的 passport都會 keep係佢地office,頭一個月都有打過一次比我,問我有冇咩唔滿意工人的地方,我地可以同佢地講,佢地再同工人講。另外佢地有好多課程比女傭上, 而且仲係免費的。

同埋依家印尼領事館都唔會批來港 7個月內轉工的申請 (HEHEH...證明轉工問題真係好嚴重),所以我估佢地都係發短
訊比就快完約的工人,就算唔係,個工人都有數計,佢地收僱主佣之餘,其實女傭都要比 $7000佣,所以一斷約,就唔見大約 2個月人工﹗比返個 $500- $1000 禮券,都補唔返條數啦﹗況且如果佢真係撬自己個客的女傭,個客都唔會再幫襯佢地啦﹗不過實際情況係點,我就真係唔知啦﹗依家都考慮梗仲比唔比工人姐姐繼續返AGENT上堂﹗
反而覺得另一種外傭公司仲恐怖,我個舊工人姐姐好多門路,佢又好得意,成日同我講返,佢之前都有同我講過佢成日介紹佢的朋友轉工 (約滿轉工)。佢地其實自己都有個平台搵工 (菲傭用多),佢地搵到僱主之後,就會去佢地自己的外傭公司 (不是報紙提及的一間),佢地只收僱主的佣金,唔收女傭的,所以佢地真係好易轉工,而且成本唔高 (要去澳門 2星期)﹗連佢上次係印尼返嚟做,佢都唔洗比佣﹗如果唔係,佢地係印尼返嚟,應該係要比 7個月佣的﹗

其實我一直都唔明,外傭合約真是好保障外傭,佢地 2年內斷約
自己話走,我地一樣要比機票錢,仲通常都唔會賠錢比僱主,遇著個衰的,故意 "搏炒",我地反而要賠一個月加機票送佢走﹗最近都有朋友的工人,續完約返印尼放假,結果一去無回頭﹗AGENT錢同機票錢都蝕埋比佢﹗

唉﹗對於我地有小朋友要靠工人湊的家庭來講,工人姐姐真係有又煩,無仲煩,所以佢地依家先咁 "惡" 之嘛﹗

沒有留言:

張貼留言

Related Posts Plugin for WordPress, Blogger...