2015年1月9日 星期五

小丸子戒片記



最近開始幫小丸子戒夜片,佢自己開口問我可唔可以唔著片瞓覺,又肯自動自覺上床前去洗手間,之前都是要我又氹又迫先肯去,今次我就信佢一次,幫佢開始戒夜片啦﹗

其實想幫小丸子戒夜片好耐,大頭妹大約是 2歲半戒夜片,即是同小丸子依家差不多,但大頭妹是遲過小丸子戒到日片,小丸子大約 22個月的時候已經戒咗日片,即是都戒了 8-9個月,大頭妹戒完日片 3個月到,我就幫佢戒埋夜片。

 之前好多朋友都問過我幫大頭妹戒夜片的心得,的確是有的,主要就是有 "恆心﹑決心"每晚睡前一定要小朋友去洗手間,之後無論佢幾點同你講佢要去洗手間,無論你有幾眼瞓,天氣有幾凍﹑幾唔想走出個被窩都好,都一定要帶佢去洗手間。大頭妹當時是 2個月都無瀨 wee wee落片,朝早起身都是乾的,而且試過凌晨 3:00,晨早 6:00叫我帶佢去洗手間,我就知佢係時候可以戒夜片﹗

可惜...小丸子有一點好難戒夜片,就是佢睡前食好多奶奶﹗﹗﹗大頭妹先食 4oz,佢食 8oz,有時仲飲 12oz﹗真是大人睡前飲 12oz ...夜晚都要起身去洗手間啦﹗而且...佢是食得飽就瞓得好,食唔飽就瞓唔好的小朋友...所以如果佢個晚飲咗 12oz...一定瞓到天光都唔願起身﹗試咗 2 2 個月,佢都係最後個幾日瀨 wee wee落片,2次都是前一晚飲咗 2支奶奶﹗如是者今次是第 3 round 啦﹗而且佢自己開口話唔想著片瞓,我就信佢一次啦﹗

講完戒片,講下返學,都返咗3個幾月有多,最近轉咗我帶小丸子返學,每朝都要抱住佢追巴士﹗真是要唱返首 "﹗小丸子都真是幾叻囡,除咗開學頭一個月病咗一次,TOUCH WOOD呢幾個月都冇病過,係間中一轉天氣就有少少鼻水﹗連老公都問我是唔是 ILLUMA 功勞,因為當年大頭妹讀 N班成日病,當初我話轉 ILLUMA,唔知邊個話貴呢?﹗如果唔係大頭妹食開甜甜奶粉唔肯飲 ILLUMA,我都一定幫佢轉。比小朋友食落肚的,我一向都好捨得﹗

返學之後有一樣野要改善...就是要早啲瞓,依家 10:00食完奶奶,都仲要玩到 11:00幾先瞓,有時...都好多時,早上唔肯起身,成日叫佢起身,佢就話: 家姐先啦﹗岩岩同朋友講起小學,話如果我揀中西區的小學,要 6:30上校車,嘩﹗真是要早啲調教佢地的睡眠時間先得﹗

10:00 幾仲眼碌碌﹗

叫佢合埋眼瞓...就古靈精怪﹗

轉個頭入返房...2個又玩到癲晒﹗
佢地話玩騎馬...33磅小丸子騎 30磅大頭妹...唔好傻啦﹗

2秒就跌低咗...之後我唔比佢地玩...一陣整親腰骨...爸爸鬧死我﹗


hehehe...大家 like 咗我個 page未呀?﹗未就快啲 like 啦﹗



1 則留言:

  1. 小丸子臨瞓仲飲到咁多o野? 我都飲唔到咁多!
    咁幾時戒埋奶樽呀?

    回覆刪除

Related Posts Plugin for WordPress, Blogger...