型出個未來- 小丸子篇

 

上個月帶小丸子去 Ken Sir度做【型出個未來】的評估，即是學習型的評估 (視覺/ 聽覺/ 手動觸覺)。其實之前大頭妹都有做過 (舊blog重溫: 型出個未來- 大頭妹篇)，我覺得對我教大頭妹好有幫助，所以都幫小丸子再做﹗以我的 "觀察"，都知小丸子是 "手動觸覺學習型"，不過都是比專家做評估，而且我都想知道多啲教導手動觸覺學習型的小朋友要注意的地方﹗

今次收到小丸子的評估報告，我果然無估錯，佢真是手動觸覺型，而且都幾大比數，有成 40%，其如是 33%聽覺，27%視覺。佢同大頭妹差不多是相反，大頭妹是聽覺 >視覺> 手動觸覺，所以教佢地 2個，基本上要用完全唔同的方法，例如認字，大頭妹可以坐定定睇下讀下字卡就ok，小丸子就唔可以坐定定學，難怪小丸子有另一個外號叫 "文肓丸"，因為我用返教家姐個套教佢，根本就唔 work﹗

Ken Sir話 40%係好大比數，上小學前都唔洗做多次，應該只會有增無減﹗佢話小丸子是手動觸覺 + 聽覺，比人的感覺會是活潑﹑好動，呢類小朋友亦比較易適應新環境﹗家長就要注意小朋友的管教，因為活潑同百厭只是一線之差﹗要教識佢 "規矩" ﹗呢樣我真是要留意，我育兒一直比較 free style，但大頭妹天生就是一講就聽，之後仲會記住，佢係一個十分守規矩，自律的小朋友，我用返呢個方法對小丸子，原來未必是好事﹗

其實另外都有問下 Ken Sir 係揀學校上要留意的地方，例如應該揀傳統的天主教學校，等老師要佢坐定定，一或活動教學。Ken Sir話其實非傳統會較合適，因為如果小朋友萬一真是 "適應" 唔到，返學好可能會唔開心﹗不過有宗教 background 的對小朋友 "管教" 又有一定的幫助，如果適應到，可能會 "變返" 個乖孩子﹗依家都升K1，其實都唔到我地揀，K2可以轉校/ 插班的機會少之有少，其實都是 plan 下小學﹗不過 Ken Sir 話我 2個囡，應該好難讀同一間小學﹗

另外就是專注力，手動觸覺型的小朋友，專注力會比較弱，聽覺學習型都是，即是小丸子 "中" 晒 2樣，所以一定要努力陪養小丸子的專注力﹗呢樣野之前都有同 playgroup 的 Miss Ho傾過，佢覺得小丸子又未到專注力不足，佢對有興趣的活動有足夠的專注力，例如當年小丸子細個，好鍾意 "入錢"，可以自己坐係度玩好耐﹗我都要諗下辦法，去訓練小丸子的專注力﹗Ken Sir 有話過，一個有規律的日常生活，都會有幫助﹗

手動觸覺型鍾意 "落手落腳"，咁你以後就做多啲 copy book啦﹗

大家 like 咗我地的 facebook page未呀？﹗未就快啲 like啦﹗