2015年8月26日 星期三

大頭小丸學數學【Mathconcept Learning Centre】


 一直都話要幫大頭妹報數學班,暑假唔洗返學,有啲興趣班又停咗,有多少少時間,終於可以實行了﹗其實之前一直都是打算報公文數,後來同大頭妹同學仔媽咪傾開,原來公文數主要是訓練 "速度",到升小學時,要學識睇題目,所以最後就放棄公文數了﹗

一放暑假就帶咗大頭妹同小丸子去屋企樓下康怡學林的 Mathconcept Learning Centre 做評估。

Mathconcept Learning Centre 做評估的費用是 $200,如果評估之後報課程,就可以免費﹗我自己就覺得個評估好抵做﹗因為之後老師會好詳細咁同家長講返小朋友數學上的程度,強項﹑弱項,學習數學時要留意的地方﹗有啲方法真是好有用﹗

講返個評估﹗老師話大約是做 30分鐘,我見佢比大頭妹做的評估是 K3的,小丸子的是 K1-2。小丸子好快就出返嚟,我估佢都是唔識做多﹗大頭妹最後做咗個幾鐘﹗老師出返嚟的評語是大頭妹的數學大約有 K3 - P1的程度,可以由 K3學起,小丸子就要由 N班的學起﹗(我又要同自己講小孩不比較﹗小孩不比較﹗)

老師有比返成份評估我睇,不過我唔可以影底啦﹗我見 K3的一份都幾全面,有單位加減數﹑雙位加減數﹑三連加數文字題 (A+B+C = ?)﹑3D圖型﹑硬幣﹑時鐘﹑對稱﹑倍數...等等﹗

老師話大頭妹單位加減數﹑雙位加減數﹑三連加數文字題都做到。一般 K2應該學到單位加減數,20以內的加數。大頭妹就計到 20以上的加數,同 20以內的減數 (即是識進位同借位,當然都唔係 100%岩晒),另外我最意外的是佢做到三連加數文字題,條題目大約是: 大明有 6個郵票,小明有 4個郵票,明明有 5個郵票,他們總共有幾多個郵票 (英文版),大頭妹寫唔到算式,但就計到個答案。不過 3D圖型﹑硬幣﹑時鐘﹑倍數就真是唔識啦﹗其實個啲 3D圖型的英文...HAHHA...我都唔識﹗

至於小丸子,老師笑笑口同我講佢應該要由 N班學起,因為佢見小丸子連”揸筆”都唔係太好,問佢數目字認字,又連 9﹑10都唔識,幼稚園明明教到 20,我都唔知點解佢唔識﹗同埋話佢可能上唔到 1個鐘 (佢估佢坐唔到 1個鐘)﹗


8月開始上堂﹗岩岩上咗第 1堂﹗
 有書包﹑手冊﹑FILE﹑功課﹗

小丸子要由連線學起﹗

仲有油顏色,一邊油一邊學顏色同形狀﹗

大頭妹就開始做減數﹗

應該是一星期一本,上堂學少少,返屋企又做少少功課﹗


仲有倍數﹗呢啲我未教大頭妹,老師話呢個練習對佢地大啲學 "乘" 數會有幫助﹗


Mathconcept Learning Centre:
地址: 太古康怡廣場辦公大樓(康怡學林)5 樓 506 室
電話: 2535-6161
Facebook:https://www.facebook.com/MathConceptEducation


大家 like 咗我地的 facebook page未呀?﹗未就快啲 like啦﹗

沒有留言:

張貼留言

Related Posts Plugin for WordPress, Blogger...