大頭妹20個月大啦﹗

當了媽媽之後，時間真的過得很快﹗睇住大頭妹一日一日長大，不久前仍然是一個小B，依家有時直頭好似一個小女孩﹗

好 幾個月沒有寫成長日誌啦﹗除了因為我懶...其實因為都不知寫什麼好啦﹗18個月以後的BB，學習能力超強，都不知應該寫什麼好﹗之前會寫一下今個月學識 講什麼﹗但最近學識講的實在太多啦 (雖然好多只限爸爸﹑媽媽﹑工人姐姐明白...HEHEHEH)﹗成日講埋啲嚇死人的BB話，例如: 無啦啦講 "FUXK"，嚇死我地...心諗唔通工人姐姐係佢面前講粗口？﹗之後...佢拎支叉出嚟﹗原來想講 FORK。白痴 (WHAT？)，阿婆 (APPLE...仲以為佢見到啲我地見唔到嘅野)，雪糕 (以為佢想食雪糕，拎杯雪糕比佢，佢叫雪糕做ICE-CREAM，咁咩係雪糕呢...原來是CIRCLE)。仲試過一次我講 "痴線" (睇電視太激動)，佢即刻跟住講﹗以後係佢面前講野真是要好小心﹗﹗﹗

最近最大的進步是差不多識晒 A-Z，當我以為佢只是識大階，原來細階都識啦﹗1-9的中英文都識晒啦﹗HEHEHE...我每晚都會同佢唱一次中英文的數字歌架﹗

傻福好鍾意我條長珠鏈，成日偷偷地開衣櫃拿出來自己帶﹗

最近好似似返女仔﹗

 

成日都好貪靚，貪完仲要叫我地睇，睇完仲要我地讚佢靚﹗

最近仲學試偷野食﹗﹗﹗ 上次去飲，我係手袋攞過朱古力比佢食，之後第二晚，佢就自己係我手袋偷朱古力食。第二日 又係工人姐姐的零食袋偷餅乾食，仲要兩次都識開個包裝袋﹗﹗﹗

又想偷朱古力，不過我已經拎走晒﹗

又偷枱面的蛋糕﹗