與大頭妹哭笑不得的對話

隨著大頭妹的說話能力越來越強，我地的對話都開始豐富起來﹗有時都不知道她到底真的明白我們的說話，一或什麼﹗但好多時都令我同阿旺哭笑不得﹗

早上飲奶的時候，大頭妹經常都飲剩一安﹗
媽咪: 仲有一安喎﹗飲埋佢啦﹗
大頭妹(兩手拍拍下個肚): 飽飽啦﹗ 媽咪: ...(無語...佢都話飽...我仲可以點？﹗)



有一日我問大頭妹:
媽咪: 咪咪乖唔乖？(大頭妹叫我做咪咪)
大頭妹(奸笑): 唔乖﹗
媽咪: 吓﹗咪咪唔乖？﹗咁爸爸乖唔乖？﹗
大頭妹(又奸笑): 唔乖﹗
媽咪: 爸爸都唔乖？﹗咁姐姐乖唔乖？﹗
大頭妹(再奸笑): 唔乖﹗
媽咪: 個個都唔乖？﹗咁ALICE乖唔乖？﹗
大頭妹: 唔知道﹗﹗﹗


有一次大頭妹差啲跌低，我捉實佢手仔，之後我問佢：
媽咪: 頭先驚唔驚呀？
大頭妹: 少少啦﹗
媽咪: ...(再次無語)
無諗過一個18個月大的BB，我問佢驚/唔驚，佢會答我少少，究竟...佢知唔知咩叫少少？﹗