2012年1月9日 星期一

大頭妹好小氣

最近,我地發現大頭妹好小氣

話說冬至返爺爺家做節的時候,每個人見到大頭妹都叫佢唔好食手指﹗到最後全部人走了,得我地3個同爺爺嫲嫲的時候,爺爺叫大頭妹唔好食手指唔係就打打,之後細細力用隻手指打落大頭妹隻手仔﹗大頭妹即時露出一個好委屈的表情,再過1秒就用半尖叫半喊的方式,喊咗大約3分鐘,最後仲鬼鬼祟祟用手指指住爺爺,叫我 "MIMI" 去投訴爺爺,我只有同佢講唔可以架﹗
 
好彩是我自己睇住整個過程,如果唔係真是以為我老爺好大力打佢﹗

之後一直都無見過爺爺啦﹗直至1月4日去飲,即是成13日後﹗期間叫大頭妹惜邊個佢就惜邊個﹗但發現佢一直都唔惜爺爺,我已經同阿旺講,唔知佢係唔係仲記得爺爺打佢呢?﹗散席前爺爺行過來,隔住幾個人同大頭妹講 "又食手指﹗",大頭妹即時 (是即時),同上次一樣半尖叫半喊咁喊﹗之後仲 "合埋眼",點叫佢都唔肯睜開雙眼﹗我都是第一次見佢有呢個反應﹗阿旺話佢可能是驚﹗如是者...10幾分鐘都唔肯睜開雙眼...直至瞓著咗

沒有留言:

張貼留言

Related Posts Plugin for WordPress, Blogger...