接阿旺機

前日去接阿旺機，搞到好夜，所以噚日甩BLOG啦﹗
阿旺12日的印尼BUSINESS TRIP終於都完啦﹗
我地全家總動員去接機﹗
我﹑奶奶﹑工人姐姐﹑大頭妹...連小丸子都有份﹗

放工就係中環匯合奶奶一齊出發，
用咗10送1的免費地鐡車票，
坐到去東涌再轉巴士，
要1個半小時先去到機場...

之前同阿旺同公司，我都成日要出TRIP，
當時個經理話...拍拖的時候就會送機接機，結咗婚就唔會架啦﹗
我當時就同自己講...我地的愛唔會因為結咗婚而改變...
就算依家有小朋友都唔會變﹗
所以...依家阿旺次次出TRIP，我都會去接機﹗
(2011年去巴士站接機 & 2011年去機場接機)


HEHEHE...阿旺去嚟前一刻瞓咗﹗

 

好緊張等爸爸出嚟﹗

見到爸爸啦﹗

HEHEHE...又緊張又開心...原本就係咁嘅樣？﹗

影返幅合照...

小丸子...瞓咗...成日都影唔到全家福﹗

大家估下大頭妹見到爸爸第一樣野講咩？﹗

佢竟然...

投訴我...

佢同爸爸講...佢返學喊...因為媽媽冇同佢講BYE BYE﹗

睇嚟...我冇同佢講BYE BYE...對佢好大打擊...一見爸爸就要講呢樣野.