兩姐妹一齊玩﹗(有片睇)

繼上次ABCDERMS護膚品套裝之後，小丸子又有禮物收﹗
今次收到的是一個音樂玩具鼓，不過阿旺一開就比大頭妹 "據為己有" 。
成日睇人地的BLOG...啲阿哥家姐都好惜細佬妹...
唔知點解...都已經5個幾6個月啦，
大頭妹都仲係唔係幾接受小丸子，
有時又好鬼老友，咩都話比妹妹，又話講故事比妹妹聽 (堅講架...不過我地大人聽唔明之嘛﹗)
有時又失驚無事..."醒" 小丸子 "5蚊雞" (我暈啦﹗)。
唔話佢又唔得，話佢...又怕佢會越來越唔鍾意妹妹...
其實應該點做？﹗
到底係我處理得唔好/ 大頭妹特別小氣呷醋呢？
有冇媽咪可以指點一下﹗


大頭妹教妹妹打鼓﹗呢時好地地架﹗(一陣...大家睇片就知...)

唔好睇個鼓細細個，佢有3種不同的鼓聲，仲有錄音重播的功能﹗

家姐唔比妹妹玩個鼓...轉玩毛公仔﹗

米芝蓮妹妹﹗

小朋友最鍾意玩膠袋﹗

佢地都有和平共處的時候的...

雖然...好短暫...不過呢個時候...媽媽最開心﹗

大家請睇到片尾...就明白點解我咁 "愁"...