2014年12月12日 星期五

小丸子K1 interview - 最終回

2014年 12月6日 (星期六)

今次是小丸子最後一個 K1 INTERVIEW啦﹗因為 K1 INTERVIEW,成個 11月都好忙,自己又好緊張, 老公問我緊張咩野,小丸子 PN又有得直升 K1,又有學劵,HEHEHEH...我個人就是緊張嘛﹗佢每次 INTERVIEW,個朝我都會肚痾,就好似當年我考會考咁...

今日去 IN 呢間是我自己最鍾意的,不過當年大頭妹只報東區,所以我無報,睇過幼稚園介紹書仔,又睇過教署個報告,我都是最鍾意呢間,尤其個校舍,同教育理念﹗睇教署報告,佢話呢間學校善用自己的校舍,係今次 INTERVIEW都體驗得到﹗我地 IN 9:20,我地大約 8:30去到,學校安排小朋友係操場玩,操場又大又靚,我地一邊玩一邊等,9:10就可以排隊入去 INTERVIEW啦﹗9:30已經 INTERVIEW 完﹗真是好流暢﹗

HEHEHEH...入正題講下考咩先啦﹗不過我發現最近 INTERVIEW 模式都成日轉,希望下年蛇B INTERVIEW時仲有參考價值啦﹗首先就排隊攞返自己張 FORM,入一間大房一邊睇 CARTOON 一邊等,每 8個人為一組。之後就排隊入課室,一位家長加一位小朋友 IN。

一開始就問小朋友叫咩名? (陳XX),我係邊個? (媽媽),爸爸今日有冇一齊嚟?(有),爸爸係邊?(等我地)。

之後就要跟老師指示做,老師有一 SET玩具,老師個邊有 3個杯,小朋友個邊又有 3個杯,有 4件玩具蛋糕,老師叫小丸子睇住佢放入的次序再跟住做,小丸子第一次將玩具放入老師個杯,老師叫佢放入自己前面個個。第 2次小丸子攞咗唔岩的蛋糕,老師有比提示叫佢再攞,終於攞岩,又放入老師個杯,老師又再提佢。到第 3個就一 TAKE 過做岩晒啦﹗之後老師比其中一件玩具小丸子,叫小丸子扮食,小丸子有做,最後就收返好啲玩具啦﹗
 
第 3 PART是睇書,老師打開本書,叫小丸子講出 3樣佢見到的東西,小丸子好快就講到第一樣啦﹗之後坐咗一陣都唔出聲,我就指住一樣問小丸子啦﹗老師叫我唔好提佢,等佢自己做,之後小丸子指住免仔話係狗仔 (其實幅圖都有狗仔),老師就話 "你睇下佢有長耳朵架喎",小丸子就話是 BUNNY,之後再指隻狗仔話是狗仔就完啦﹗

最後老師比隻毛毛蟲小丸子,小丸子一見到玩具太開心,無講多謝,老師問佢要講咩野,提埋佢講謝謝,佢先講謝謝﹗(一定扣分啦﹗)

天氣忽然轉冷,今日轉了一個 PINK LADY LOOK 去 INTERVIEW﹗

雖然要比平時返學更早起身,好在無扭計﹗因為媽媽更早起身,一早搞掂自己再搞佢,免得INTERVIEW前破壞佢心情﹗

哈哈...睇個背影幾勁?﹗好似自己行入學校咁﹗

學校個公園真是好大﹗


老師送的就是呢條毛毛蟲,小丸子好鍾意,一收到就不停 "令",連多謝都唔記得講...鳴鳴鳴﹗


學校的環境真是一流﹗

希望小丸子有機會係度返學啦﹗hehhehe...間間都希望...呢個媽媽實在太貪心了﹗


大家 like咗我地個 page未呀?﹗未就快啲 like 啦﹗

沒有留言:

張貼留言

Related Posts Plugin for WordPress, Blogger...