今日第一次睇小丸子上台表演，原來真是好感動，睇到我眼濕濕﹗無幾耐之前仲是個手抱 BB，轉眼已經係台上表演跳舞比我睇，見佢扭下扭下 PAT PAT，真是好可愛 (似我似我)﹗
佢最近唔知做咩，返學都喊，表演之前 2日開始就係咁 (都是同一個老師接門，我估佢係好驚個位老師)，老師已經叫我表演個日唔好由我帶佢返學，唔好係表演前整喊佢，不過如果唔係我帶，佢連學都唔肯返，都唔知點算好﹗點知表演當日真是一入班房就爆喊，最後小丸子被老師 "抬" 入班房，睇開我個 BLOG 的朋友都知，小丸子發脾氣係幾恐怖，我都好佩服老師﹗落到禮堂我都同阿旺講好驚一陣小丸子無得上台﹗
到開始表演的時候，見到小丸子出場時，佢又好似好開心，唔似岩岩喊過喎﹗之後見小丸子跳舞動作都做齊，真是天生跳舞的好材料，之前成日問佢表演咩，佢都講唔到，一時又話唱 LET IT GO，一時又話表演瞓覺，真是比佢激 C我﹗
比返阿旺拍的片大家睇下吖﹗小丸子真是好可愛，又扭 pat pat，完咗仲識鞠躬﹗heheheh...不過其實只要是自己個囡表演...企係度咩都唔做得覺得佢可愛架啦﹗大家話係唔係？﹗
最後最後...真是要好多謝老師，要訓練 20位小朋友上台表演 (一班 60人分 3組表演，3組都唔同動作，唔同音樂架﹗)，應該花咗好多心機同時間，真是好多謝你地﹗
大家 like咗我地個 page未呀？﹗未就快啲 like 啦﹗
沒有留言:
張貼留言