2012年5月2日 星期三

我的5日4夜生產旅程 (2)

2012年4月19日 (續)

繼續講返我的生產旅程,我今次的生小丸子生得太急,又連粉紅色書都無跟身,連我自己都覺得自己跟 "衝急証室的雙非孕婦" 沒有分別﹗所以生之前的基本檢查都未做,血壓心跳都未量,就已經生了小丸子﹗生完的時候,有一刻我覺得我自己一定是 "癲" 咗﹗唔是無可能咁快生到小丸子﹗

當我生咗小丸子之後,佢地都第一時候比阿旺入產房啦﹗ 阿旺第一時間讚我叻﹗咁快就生咗小丸子﹗當時小丸子剛剛磅重,重2.4KG (5.28磅)。因為SIZE偏細,要上10/F的兒童病房,護士話如果檢查完沒有問題就會送返去6/F的產後病房比我﹗不過都留底小丸子係產房食一陣媽 媽奶先﹗我地當然仲有影幾幅全家福啦﹗上次大頭妹的時候都唔記得影

我生完之後的血壓一直都偏高,因為產房有血壓計,所以護士比我係產房休息多一陣,一路CHECK住我的血壓,但一直好似都是140以上﹗之後仲有護士幫我抽血,我當時已經覺得怪怪的,明明生大頭妹的時候都無係生之後抽血的﹗抽血的時候先發現,原來我連病人的手帶都未有﹗個護士仲好懷疑,話無可能無手帶

大約4:00,我開始覺得頭暈同作嘔﹗阿旺仲問我係唔係因為 "笑氣" ,我話應該唔會吖...我今次都唔知有冇吸咗5啖﹗上次吸幾個鐘都冇事啦﹗之後護士送返我落 6/F,到 6:00 小丸子已經檢查完,一切正常,送返去我身邊﹗但我個人仲係好唔舒服,好似迷迷糊糊咁﹗仲已經嘔咗 3次﹗
點知...突然有個護士同我地講,"懷疑" 我有 "妊娠毒血証",要送返我上9/F,由於我生小丸子個日唔太多產婦,佢地比我返產房,咁阿旺可以 24小時陪住我 (真是好好彩)﹗不過我當時心諗...有咁好OFFER?﹗咁即係好嚴重?﹗之後有個醫生同我地解釋返,妊娠毒血証對胎兒的影響較大(會唔供氧氣比胎兒),但好彩的是小丸子已經出世啦﹗佢話有妊娠毒血証的產婦通常生完之後就會自己好返,不過因為我是生的時候/ 生完之後先發現有,最怕是會 "抽搐"/ 血壓唔降 ﹗而且我的BLOOD TEST,什麼肝酵素﹑尿蛋白...全部FAILED晒﹗﹗﹗
咁 我都無得反抗架啦﹗唯有乖乖地同小丸子SAY GOODBYE,返上 9/F產房囉﹗點知我返上產房之後,血壓又好似返返落140以下 (不過都吊咗藥,唔知係唔係咁快有效?﹗),個人仲開始清醒少少﹗唉...本來已經生完,以為唔洗再痛,點知要 "吊藥",所以要打 "豆豆",仲要有尿喉...最最最慘是...我個日淨係食咗個早餐,未食午餐,岩岩18:00食晚餐的時候又話要吊鹽水,即是唔食得野又唔飲得水﹗﹗﹗仲 要頂多24小時 (吊藥要吊足24小時)﹗﹗﹗

阿旺都好慘...第1晚的時候只是坐張硬櫈瞓,仲要等我瞓咗之後先自己落7-11食杯麵﹗其實護士都叫佢返屋企,因為其實我都是瞓,不過我又想佢陪我,所以佢都無走到,只是第2朝返屋企沖涼同瞓多一覺,再返醫院陪我﹗

沒有留言:

張貼留言

Related Posts Plugin for WordPress, Blogger...