第1﹑2次健康院檢查

2012年4月24日
由於小丸子出院都有少少黃，所以出院之後第一件事是要 打去健康院預約檢查﹗今次轉去西灣河的健康院，其實我想返灣仔的，因為我自己同大頭妹都是去灣仔的，比較有親切感，但阿旺話西灣河方便好多喎﹗$20的士 就到啦﹗西灣河的健康院明顯比灣仔的大，人都比較多，但醫生護士都好似比較多，所以等候的時間都不是太長。

因為見小丸子都不是太黃，諗住 應該都不用去醫院，所以今日全家一齊出動﹗去到健康院，首先是磅重，出院第一日 (出世第5日) 是 2.38KG。之後就見醫生先CHECK黃，點知醫生話偏高，要去醫院DOUBLE CHECK，但又唔講超幾多，仲連其餘的CHECKING都唔做？﹗

因 為我地去了西灣河，佢轉介我地去東區醫院，其實小丸子生院未夠5日，我地應該是要返瑪麗醫院的，但醫生又轉介去東區，我地都唯有去東區啦﹗點知東區同瑪麗 好唔同，之後我地足足去咗3日﹗﹗﹗總之"擇界"就叫我地第2日返去﹗第一日連幾多度都無同我地講，就叫我地第2日再去，可能覺得講比我地知，我地都唔會 明啦﹗

2012年4月25日
今日阿旺無得請假啦﹗我又唔想大頭妹成日去醫院，所以得我一個自己返去，我唔問都唔講
幾 多度，今日238度，但一樣第2日再返去﹗上次大頭妹250度，醫院都是叫我地再約返健康院檢查，我好記得護士同我講，250度其實差不多要照燈啦﹗不過 見我餵媽媽奶就比我地走啦﹗仲叫我自己返屋企留意下，如果活動/食量減少，就即刻返醫院 (出世5日內)/ 打去健康院﹗

2012年4月26日
因為前一日覺得自己好慘，明明自己坐月中 (生完仲要問題多多)，仲要自己一個揹個大袋，抱住BB去醫院，所以叫咗我阿妹前一晚來我家，第2朝陪我去醫院﹗老實講...是我阿妹令我覺得生2個囡真是好﹗我地的感情真是好好架﹗
同大頭妹"玩"自動販賣機，比佢嘟八達通﹗之後佢係咁 "嘩嘩嘩"﹗

今日小丸子終於合格﹗是另一個醫生，檢查做得仔細好多﹗唉...可能唔關醫院事，個個人的處理手法唔同，不過...小丸子就日日都要拮針針...真是可憐﹗雖然次次都只是喊2聲就收聲...不過我都仲是好心痛。經過呢幾日的經歷...我都是決定轉返去灣仔﹗


2012年5月3日


第2次的健康院檢查，因為上次係醫院CHECK黃，雖然PASS咗，不過其實都仲係高，要繼續返健康院FOLLOW UP﹗今日磅重，小丸子有2.75KG啦﹗其實第一次磅有2.85KG，不過因為尿尿咗，護士話再磅多一次﹗

之後醫生都有講返，小丸子9日重咗 400G，以全媽媽奶，不加奶粉來講，是非常理想，因為一般媽媽奶的BB，每日重22G就叫合格，小丸子每日重44G，是一個DOUBLE呢﹗醫生話証明小丸子夠媽媽奶食啦﹗我之前仲好擔心...因為係醫院頭2日都無埋身餵，怕會唔夠奶呢﹗﹗﹗
CHECK黃都仲是238度，下星期要再返去﹗小丸子呀...點解你黃咁耐嘅？﹗