我的5日4夜生產旅程(完）

2012年4月20日
第2朝做的BLOOD TEST都 "好似" 是FAILED﹗所以又要住多一晚﹗我就係咁過咗2日住 "頭等房" 的生活﹗好彩有阿旺陪我，不過佢就慘啦﹗要24小時照顧我，第2日好少少，有個護士提佢可以移張梳化入去瞓﹗

夜 晚7:00幾，終於吊完藥啦﹗醫生話睇多1小時，如果血壓都仲是正常我就可以食返野啦﹗到8:00幾醫生睇完我話血壓正常，我就好開心咁阿旺去買野比我食 啦﹗阿旺話我發開口夢都話要飲檸檬茶，要飲STARBUCKS的熱朱古力...HEHEHE...所以到我一食得野，佢就去買比我﹗HEHEHE...但其實2樣我都唔應該飲﹗不過瑪麗間STARBUCKS無咗...變咗DELIFRANCE，好似都要廿幾蚊杯，不過同STARBUCKS個杯就...﹗


2012年4月21日
醫生早上睇完我話我可以轉返普通病房啦﹗不過都係無得去返6/F的產後房，要去K9南﹗我最初仲怕會好嘈 ﹗因為是代產室嘛﹗原來都好寧靜﹗HEHEHEH...原來會痛到叫出聲的人唔多...只不過我是其中一個﹗如果我唔係有 "額外問題"，我本應今日就出院啦﹗﹗﹗

HEHEHE...去返普通病房，第一件事當然是接返我的心肝肝 "小丸子"啦﹗護士同我講小丸子好寂寞，因為9/F得佢一個BB﹗佢地仲好好，知我想餵媽媽奶，之前都用杯仔幫我餵﹗

其實我唔係好想影...已經3日無洗頭...自己都覺得自己恐怖﹗


其實阿旺都唔係好我好多...HEHEHE...



2012年4月22日
因為都要睇住我的血壓，所以要多留醫2日﹗每日都要量好幾次血壓，其實都仲幾高，好多時都仲是OVER 130﹗我覺得因為一量我就好緊張﹗

開始食返醫院的正常餐，之前吊藥都係得飲粥水咋﹗HEHEEH...我有少少 "奇怪"，其實我幾鍾意食瑪麗醫院的餐﹗尤其是佢地預備比餵媽媽奶的媽咪的魚湯﹗真是好好味﹗

早餐: 肉碎粥+蛋


午餐會比較豐富，有菜有肉，仲有橙同魚湯﹗個橙好甜﹗

晚餐反而少啲﹗

日日都有唔同的魚湯，呢日係沙參玉竹排骨魚湯？﹗

因為星期日工人姐姐放假，而且我都好掛住大頭妹，阿旺帶埋大頭妹來探我呢﹗

扎花...唔係阿旺買的...是我家姐買的..

2012年4月23日
今日出得院啦﹗我真係好掛住屋企...好掛住大頭妹...仲好掛住屋企...張床 (唔係阿旺)﹗不過醫生話我6星期後都要返去再做一次BLOOD TEST，睇下我啲心肝脾肺腎﹗仲要做產後的糖水TEST，不過由於太多人做，所以醫院已經唔包啦﹗要自己出去做﹗


後 記: 其實真的不得不讚瑪麗醫院的護士，真係好好經驗，我仲記得生大頭妹的時候，去贊育上產前運動班，個導師話佢地一眼就會睇得出邊個就快生，邊個未生得，未生 得的時候唔洗過去呃護士比產房﹗我今次真是信啦﹗我上次成日過去同護士講好痛啦﹗5分鐘痛一次啦﹗佢地都唔理我﹗今次我只是講咗2句，就即送我過產房啦﹗HEHEHE...經過今次我信啦﹗