？﹗)，所以好怕唔知老師會唔會投訴我﹗今次自己第一次以家長身份出席家長日，原來都會好緊張，因為唔知平時大頭妹返學係點，平時問佢...佢成日答我 "搶玩具" ﹗原來...係真的
﹗﹗﹗老師對大頭妹的評語是 "見到佢呢幾個月嚟有不斷進步，學習上都沒有大問題
，不過...性格比較 "搗蛋"
﹑坐唔定
﹑對人太熱情
，有時會 "嚇親" 怕醜的同學。"。老師仲話有佢係屋企應該幾開心...佢咁講...我都唔知開心定唔開心好
﹗﹗﹗老師仲話大頭妹唔肯收拾，食茶點的時間會自己去攞水杯/ 毛巾，但食完有時就唔肯收返埋，要老師幫佢收，仲試過將自己的杯同毛巾放係全日班的盤 ，比姨姨拎咗去全日班的課室﹗20分鐘的見面時間，大部份時間老師都係想解決大頭妹食手指的問題，佢話佢食手指食到全班同學一齊提佢唔好食手指﹗難怪上次學校旅行，全班都知大頭妹個名啦﹗之但是...我地其實真係咩方法都試過...手指水﹑白花油﹑辣椒仔...佢都好似無咩反應
﹗﹗﹗仲搞到佢依家食得辣﹗﹗﹗而且上次睇醫生的時候，醫生又叫我地唔好係呢個時候迫佢戒，因為會影響小朋友的自信心，所以我都唔知點算好？﹗另外其實我地想幫大頭妹轉讀國際班，老師話暫時出年 K1都未有位，全部學生都交咗留位費﹗因為上次返學校睇VIDEO的時候，發現除咗國際班是全英文﹑普通話上堂 (PN有廣東話)，而且一班有 2個班主任，課程亦有唔同，學費又唔係差好遠，感覺上上國際班抵啲，反正都一樣沒有學卷。不過又聽朋友講如果唔係打算比小朋友入國際學校，其實無必要比小朋友上國際班，所以都十五十六。爸爸就好想轉國際班，不過...依家無位，其實都唔到我地話事﹗
大頭妹的第一張成績表﹗
有 2個評分得 1粒星...竟然就是英文...明明大頭妹上幼稚園之前，都是全英文同工人姐姐溝通，最初開學的時候，老師都話要同大頭妹用英文，佢先明白指令，做咩返咗 6個月學之後...反而唔識英文？﹗令我覺得更加要轉國際班﹗﹗﹗另一個是專注力...唉...我都要諗諗方法訓練大頭妹的專注力，我見CDPA有針對專注力的班，有冇媽咪同小朋友上過？﹗有冇用架？﹗最高分是美勞，應該係似我啦﹗我以前美勞好高分架﹗
沒有留言:
張貼留言