2014年10月22日 星期三

星期六午餐@翔龍拉麵小籠包

最近...公司好忙,老闆的外傭同司機都走咗,得返我一個,有時要做埋 "鐘點",好彩做家務是我的強項﹗我覺得我真是好 "抵用",一打 2.5,只是欠個車牌,有埋車牌可能可以做埋司機﹗不過其實我自己都想考車牌,雖然...我地無錢買車,有個車牌都無咩用﹗

講返都唔記得是邊個星期六,應該係上上上個星期六呱﹗我地下午去翔龍食 LUNCH﹗其實無 LUNCH SET,夜晚去感覺抵食啲,不過就唔洗點等位,夜晚好多人架﹗最近商場的餐廳大執位,潭魚頭同澳門茶餐廳都執咗﹗ 澳門茶餐廳個位會開 PIZZA EXPRESS﹗潭魚頭個位就唔知,得閒要上去八下﹗唔知會唔會開稻香呢?﹗

生煎包,今次好味過上次喎﹗

雲吞拉麵,叫比小丸子食,佢鍾意食雲吞﹗

炒飯,叫比大頭妹食,佢好鍾意食翔龍炒飯架﹗

鍋貼

開業大約 3個月,添加了兒童餐具﹗

食飽飽去細公園玩一陣﹗

每次去公園...都會聽到其他媽咪叫自己的小朋友唔好學小丸子...其實有時都會唔開心,可能我把尺係好寬鬆,我覺得小朋友去公園玩爬高爬低好正常,總之我會看實,只要唔係打人/ 破壞公物,我都盡量比佢自由玩。

小丸子: HELLO﹗我是百厭星﹗

今日大頭妹好開心,因為有好多小朋友,佢不斷係度數人數﹗雖然自己係度: 嘩﹗有9個小朋友呀﹗嘩﹗有 10個小朋友呀﹗比佢笑地﹗

沒有留言:

張貼留言

Related Posts Plugin for WordPress, Blogger...