2015年1月8日 星期四

小丸子 32個月成長日誌

今個月考 K1的成績都出晒啦﹗考 4間,3間 WAITING,得 1間得咗﹗不過一樣都係無私小 BACK UP,所以唔轉的機會比較大,呢 1-2個星期都要考慮清楚,1月22 -24日都要交留位費﹗

12月聖誕節的時候,學校有表演,又同同學仔一齊開咗聖誕 PARTY,好豐富的幼稚園生活﹗不過 PARTY 時,我發現小丸子真是好少同同學玩,我估可能係大班教學啦﹗又可能因為我又帶埋家姐,有家姐係度,佢都係同家姐玩多﹗係好似個別同一兩個男同學,有少少交流,會一齊玩彈床幫手拉對方上去﹗其實好多人都會有錯覺,以為小丸子好熱情有好多朋友,大頭妹會 "自我" 啲...事實上是相反呢﹗我一向都話大頭妹是狗仔性格,小丸子係貓貓性格。

學校個個月有度高,佢今個月 93CM,體重是 32-3磅﹗都熟於大碼﹗買衫比佢要買 4歲,因為頭大加手臂粗...HHAHAHAH...如果大個都係咁就慘慘啦﹗女仔最怕手臂粗﹗
因為係為食貓,所以原來佢識自己搣雞蛋,奶奶唔講我都唔知,平時我比雞蛋佢食,我會搣好比佢,真是唔好睇小小朋友﹗


我幾鍾意小丸子幼稚園的課程,好多人話淺 (N班就唔知深定淺啦),其實我估只是遲寫字 (好似 K2先寫字),每個月的朗誦功課,我覺得幾好﹗對之後認字都有幫助,依家同大頭妹認字,真是認到我嘔血﹗不過只可以話大頭妹學校比較著重英文。


今個月最重要的一件事﹗開始上興趣班,仲要是小丸子自己揀的芭蕾舞﹗其實我唔明點解依家的小朋友,2歲幾會識得自己揀興趣班,真是佢自己話想學架﹗佢話自己要做天鵝,仲識哼小小天鵝湖架﹗


佢同我講佢第 1堂上堂時唔乖,老師話如果佢唔乖就唔比佢上,所以佢今堂好乖,無再搞家姐啦﹗我問返家姐係唔係,家姐都話佢上第 2堂的時間乖咗﹗heheheh...係呀﹗為咗方便帶上堂﹗我比佢地一齊上,反正大頭妹初學,學低一級都 ok,所以大頭妹是藍色衫,小丸子係粉紅色衫架﹗
 

報告完畢﹗

2 則留言:

  1. 兩姐妹一齊學可以互相切磋下! 我地停左學BALLET 應該都唔會再跳喇~

    回覆刪除
    回覆
    1. 我想問點解唔學 ballet嘅?﹗其實幫小朋友plan 上咩興趣班都真是好頭痛,又唔好上太多,但是...坊間真是太多choice啦...heheheheh...令人好難選擇﹗

      刪除

Related Posts Plugin for WordPress, Blogger...