2014年1月8日 星期三

2014年的小小願望

 

眨下眼 2014年就已經過咗一星期,之前不停忙搬屋,忙完搬屋又忙執屋,依家終於回復正常少少啦﹗今年嘅願望係一家人都健健康康﹗我自己就搞返好個身體,有多啲精力陪 2個囡四圍去玩下﹗﹗﹗我覺得我嘅能量水平,長期都偏低,又成日病,我以前真係好少病架﹗

上星期日有個好開始,帶 2個囡....heheheh...落樓下公園玩 ﹗hohoho...下次會去遠啲架啦﹗今個星期大頭妹病病豬,都係唔好去咁遠啦 (藉口)﹗其實之前星期日真係好少同 2個囡去街,更加少同佢地去放下電,小朋友去一次公園,開心好過買我地買玩具比佢地 (雖然...最近大頭妹識開始叫我買玩貝...我話唔買,佢會話媽咪我好嬲你呀﹗我會同佢講媽咪唔買玩具比你,你就嬲媽咪,咁媽咪都好嬲你啦﹗你唔係乖孩子啦﹗佢就會話咁我地下次先買啦﹗)﹗

之前係 toysrus玩咗支 bubbles gun比大頭妹,其實我覺得我唔應該買比佢,我應該 "train" 佢自己吹,不過我見佢好鍾意玩 bubble,又唔係好識吹,就買支勁勁 bubble gun比佢囉﹗

點解個個小朋友都鍾意玩 bubbles呢?﹗




小丸子活躍過大頭妹好多,大家睇下就知架啦﹗

唔識踩單車唔緊要,爬上單車坐位一樣好玩﹗

佢見過我同大頭妹玩一次,佢自己又試﹗但其實大頭妹唔敢玩﹗

heheh...我又唔幫佢,睇下佢上唔上到﹗

佢仲未夠力上,不過都好努力﹗

依家已經識自己上呢個滑梯﹗爸爸好驚訝,因為小丸子上得好快好流暢,我同爸爸講,小丸子上2個月已經學識,佢再成日打機,真係會錯過咗好多女兒嘅成長片段﹗

以前大頭妹又係好鍾意咁玩﹗

不過我估唔到...咁重嘅小丸子都 fling得起自己...heheheh...

見到佢地開心,我就開心﹗

其實大頭妹都 "成日" 要嗅氣,以前都唔會有太大感覺,個日我幫佢用嘅時候,我調轉咗上下,大頭妹提我用錯咗﹗用完之後佢仲話好舒服﹗我真係好唔想大頭妹以後要依賴佢﹗





7 則留言:

Related Posts Plugin for WordPress, Blogger...