﹗
星期二要返醫院見醫生﹑營養師﹑同糖尿護士﹗﹗﹗之前仲希望如果只是超少少，唔洗食糖尿餐，但原來超 0.1都叫超標，一樣要食糖尿餐 (而且我都唔只超
0.1)﹗﹗﹗正常應該是 4-7度，7.8以上為之有妊娠糖尿，我是 8.7度，未算高﹗好似話11度以上才算高，10度以上才會從尿液中測驗出
(所以我之前次次尿液測試都pass架﹗)﹗由今個星期開始，至到生之後6個星期，都要食 "糖尿餐"，仲要自己篤手頭驗糖尿
﹗﹗﹗由依家到生之前，一星期要驗2日，1日要驗7次﹗生之後...就一星期一次。10隻手指...忽然好似唔係好夠用
﹗其 實妊娠糖尿是什麼呢？﹗我問過醫生，醫生話其實同我地懷孕時食得多唔多甜野是無關係的﹗﹗﹗因為我地當日做的是"空腹血糖測試"，同之前吃過什麼是沒有關 係，主要是測驗胰島素是否分泌正常。成因..."大約" 是因為懷孕的時侯可能食多咗，而增加胰島素的需求/ 又或者是因為賀爾蒙的影響，令胰島素分泌減少，因而令血糖升高﹗我估我是後者多...因為我陀小丸子，胃口一直麻麻地﹗不過今次真是食得好唔健康。上次陀 大頭妹的時候，因為胃口好好，所以自己都是揀一些健康的食物﹗多飲鮮奶，少飲檸檬茶/可樂，少食朱古力﹗我自己覺得真的可能同食物有關，雖然醫生再三強調 沒有關係，話依家要食糖尿餐只是要 "控制" 個結果﹗
糖尿餐個名好似好恐怖，不過其實又不是什麼難食的餐單，只是比較清淡 (少鹽/油/糖)，對我來講其實沒有問題。同埋要將平時3餐分開6餐食 (所以食到我好忙，好似初生寶寶，要 2小時食一次)﹗最大問題是要戒所有零食同甜食，對我來講真是有少少難度﹗不過都只是 16個星期 (4個月？﹗
)，
不過...最重要是之後血糖水平真是可以回落，唔係？﹗可能要自己打胰島素﹗﹗﹗同埋之後有糖尿的機會都會比一般人高，自己小心飲食都是應該的﹗﹗﹗不過
我發現我食糖尿餐之後，我家阿旺同大頭妹好似仲開心﹗阿旺無啦啦一餐由平時的 2餸變3餸，大頭妹就陪我食宵夜水果﹗糖尿餐單其實都ok豐富架﹗除了3餐正餐，又奶又生果又小食﹗
呢餐是醫院canteen提供的糖尿餐﹗同平時的2餸餐都差唔多啫﹗
去 到30週...已經算是進入最後直路啦﹗要開始買入院的用品﹗上次陀大頭妹的時候好似28週就開始預備啦﹗有時寫blog真是幾好，有好多回憶，又可以比 較一下﹗唔知點解今次好多人話我個肚大過上次，我睇返原來又好似唔係喎﹗我依家 120lbs，上次仲重2磅﹗肚圍35寸，同上次一樣喎﹗不過可能上次呢個時候已經開始熱，著夏天衫個人冇咁龐大
﹗我成日覺得小丸子想考驗一下我﹗比我試下做人媽媽的辛苦﹗上次陀大頭妹的時候，真是舒服到無朋友
﹗完全唔覺得自己大肚，是最後有水腫，同生之前一個星期行得辛苦少少﹗前期到中間都好舒服 (間中抽筋同少少背痛囉)﹗今次...前期就作嘔作悶，仲有少少便秘，中期就產前抑鬱，成日都唔開心，依家仲有妊娠糖尿，小丸子一定是想我試盡所有懷孕的辛苦
...
沒有留言:
張貼留言