布拉格戀人@POINT PIE

 

POINT PIE除了意法菜，遲下都會推出布拉格菜，我地PARTY當日有機會一試，主要是大廚想睇下布拉格菜是否合香港人的口味，而且同場有朋友之前去布拉格影婚 紗相 (真是靚到嘩嘩聲，我唔POST得出嚟咋﹗EHHEHEEH...我同阿旺都去 "法國" 影婚紗相架﹗不過是 "法國婚紗" 果個法國之嘛﹗)﹗

聽 大廚講，布拉格菜本身個味會再濃好多，無論是咸/ 甜的方面都會較濃，不過他已經將口味改成比較適合香港人﹗布拉格戀人套餐 $498包前菜﹑湯﹑主菜1款﹑甜品﹗HEHEHE...其實唔係情侶套餐來的﹗我自己亂幫人改名咋﹗不過份量都幾大，如果2個人去 (情侶)，我覺得只要點多個前菜/ PASTA/ 好似阿旺咁...食生蠔，其實都已經好足夠﹗

我地當日試了3款主菜，包括: 咸豬手﹑乳酪雞燴紅米飯﹑ 炸魚﹗我個人比教喜歡個咸豬手，因為比較少地方有得食﹗

布拉格菜會比較近似德國菜，所以頭盤是香腸﹗阿旺話好好味﹗
不過因為我之前已經食到超晒標，要留肚食主菜﹗

忌廉雞湯﹗湯...我可以任飲﹗YEAH﹗

咸豬手...當然唔會好似布拉格咁成隻上啦﹗
HEHEHE...又是岩晒我呢啲要顧儀態 (兼懶) 的靚女﹗已經切好晒，再排得靚靚﹗


乳酪雞燴紅米飯﹗好惹味﹗大廚話呢個是當地的 "家庭菜"，即是每個媽媽都識煮﹗

炸魚，魚炸得好脆﹗好好味﹗

聽大廚話呢個 "士多啤梨雲吞" 是布拉格好地道的甜品。
阿旺食完之後大讚...HEHEHEH...我最後忍唔住食咗一整粒﹗真是好好味﹗
士多啤梨配朱古力醬...真是...好似我同阿旺咁...絕配﹗﹗﹗
(我本來想唔食架啦﹗最衰都係阿旺啦﹗)