![](http://athenajoe.mysinablog.com/resserver.php?resource=4216042-170402tQd2QoFZ2C0I8J.hS8rK.g.jpg)
星期二工人姐姐生日,放佢一日假唔洗佢煮飯啦﹗其實之前一直都好想試下樓下商場幾間新餐廳,不過間間都唔平,和民已經算是最抵食,所以開了數間餐廳,和民依然要排隊﹗今次試的是CAFE百瀧,是POKKA CAFE其下的餐廳,食物質素應該有保證呱﹗
7:00 去到唔洗排隊,不過我想坐卡位,我話唔介意等,店員見我大肚都好貼心,先幫我安排坐位,仲比了一杯暖水比我﹗本來都好滿意...點知....之後見卡位有 人走,佢地不斷都只是安排新客坐,我見我未齊人都無出聲,但如是者我眼見3枱客走咗都無安排我轉枱,我就提一提個侍應啦﹗之後個經理都過嚟同我講下一張會 轉比我,但之後又比咗另一個客﹗﹗﹗最慘係全程一句唔好意思都無﹗我唔出聲,唔代表我唔知嘛﹗當我打算走的時候,佢地終於安排到卡位比我啦﹗其實不如一早 由得我係門口等啦﹗
大頭妹未瞓醒心情唔靚,叫佢做HAPPY FACE,做個好 "行" 的﹗
![](http://athenajoe.mysinablog.com/resserver.php?resource=4216043-170402_j0bTCcJOo.FTOkdzfJiGQ.jpg)
啲NAUGHTY FACE就入型入格啦﹗
![](http://athenajoe.mysinablog.com/resserver.php?resource=4216046-1704026e2BFoJ0NqCD478VQX61oA.jpg)
![](http://athenajoe.mysinablog.com/resserver.php?resource=4216047-170402ojsQwscx7pfVwl.KO6Bo2A.jpg)
晚餐ORDER PASTA/ PIZZA,可加 $38跟湯/ 沙律同一杯飲品﹗我們點了一客PASTA﹑一客PIZZA同一客壽司,可以加2個SETS﹗因為第一次食,想試不同的食物,所以點了湯同沙律﹗餐飲... 阿旺叫了咖啡,我叫了凍檸菜,好彩糖水分開上,我可以走甜﹗阿旺話杯咖啡不錯...咁話晒都是POKKA CAFE集團嘛﹗
湯可以揀 CUPUCINNO MUSHROOM SOUP/ 是日餐湯,我們揀了雜菜湯﹗
![](http://athenajoe.mysinablog.com/resserver.php?resource=4216048-170402Y5KzgUBxZ_ZQbhWrHCs2DA.jpg)
煙三文魚迷你沙律,真是好迷你,味道不錯﹗
![](http://athenajoe.mysinablog.com/resserver.php?resource=4216049-170402WInim.Xd2kObXDanNcY6Sg.jpg)
有小童餐具,不過今日大頭妹心情不好,都沒有吃呢﹗
![](http://athenajoe.mysinablog.com/resserver.php?resource=4216050-170402wpTg8BCe9XvhTCU3jcREnQ.jpg)
仲奇怪地要 "痴" 實爸爸﹗
![](http://athenajoe.mysinablog.com/resserver.php?resource=4216051-170402alUte9yJeEgJOfCRjIp.8g.jpg)
意大利蕃茄芝士PIZZA $82,我覺有點兒貴﹗
同PIZZA EXPRESS的水準有一段距離,但價錢又好似差不多﹗
不過我都好耐無去PIZZA EXPRESS (搬離灣仔之後),可能依家都加咗價﹗
![](http://athenajoe.mysinablog.com/resserver.php?resource=4216052-170402VC_GcyyKfIRq.lTLo6a9FQ.jpg)
波菜忌廉鮮菌意粉 $58,HEHEHE...我又唔食得海鮮,工人姐姐又唔食得豬,最後好似食素咁﹗
![](http://athenajoe.mysinablog.com/resserver.php?resource=4216053-170402_MVZL5LkWSLtmkH3ZZGzVA.jpg)
HEHEHEH...我又偷食啦﹗蟹子三文魚炸蝦卷 $68,好好味呢﹗
又一次証明...偷食是特別好味﹗
![](http://athenajoe.mysinablog.com/resserver.php?resource=4216054-170402WT6XL9I1YiBO_hwS5s_X8g.jpg)
晚餐加 $28可以加一客蛋糕/ 指定甜品: WARM CHOCOLATE CAKE﹗
阿旺竟然要求自己一個食一客﹗﹗﹗
佢竟然覺得呢個好食過RUBY TUESDAY個TALL CAKE﹗
![](http://athenajoe.mysinablog.com/resserver.php?resource=4216055-1704028Ro180XU10F4vtzc9wKNJA.jpg)
最 後埋單要 $370,真是有少少貴,雖然食物質素都叫唔錯﹗但好多時如果和民有 2人SET,我地3大1小食都不用$300,阿旺有RUBY TUESDAY MEMBER有半價,可能都會平呢度少少...所以...再幫襯的機會唔大﹗不過大公司好識做生意,埋單的時候有張 $50 COUPON下次可以用﹗EHHEEHEH...咁再食的機會就大咗啦﹗
沒有留言:
張貼留言