檸檬燒雞 (附食譜)

上星期日忽然好想飲羅宋湯，已經年半無煲過，上一次煲好似是大頭妹生日party的事﹗諗咗個湯就要諗埋個餸，飲羅宋湯即是要食西餐，岩岩先食咗牛扒同豬扒 (未post)，又成日食忌廉蘑菇長通粉(你地冇份食...睇都睇到悶啦...係唔係？)，上星期又食咗焗雞翼...heheh...忽然想食燒雞﹗媽咪會過嚟...可以係荃灣買新鮮雞﹗而且我都想多謝阿旺帶埋小丸子去參加大頭妹的學校旅行，我知佢好怕麻煩，不過知我會開心，都比我帶埋小丸子去，雖然我要自己揹住小丸子，之後仲食咗2日止痛藥﹗今次小丸子全程的表現都好好，阿旺帶考慮下次去旅行帶埋小丸子去呀

(老實講...如果真係有得去旅行...我一定要全家一齊去囉﹗不過...小丸子要先減肥...抱佢一日要休息返2日...阿旺星期日又要返工...懶鬼的我...不停打比阿媽﹑阿妹同阿旺，叫佢地幫我買材料 (唔想落街﹗)。唔落街有代價，就係買漏好多野，同埋有好多野已經賣晒﹗蜆又得返少少...唔記得買白酒...又冇車厘茄...heheheh...今次只煮到一個 "山寨版" ，下次再煮過﹗

好彩個燒雞好好好成功，真是好好好好味﹗新鮮雞的確唔同﹗整咗檸檬意大利提魚薯蓉放底，一樣好好味﹗heheheh...不停讚自己...heheheh...可能食得工人姐姐煮嘅餸多，到自己煮的時候好似特別好味﹗

檸檬燒雞

材料: 新鮮雞 1隻

調味: 檸檬皮 1個份量，檸檬汁 1湯匙，蜜糖 1湯匙，鹽 2茶匙，胡椒粉 少少，rosemary 1湯匙，蒜蓉 3-5瓣份量，橄欖油 1湯匙，雞粉 1湯匙 (optional)

做法:

1. 以調味料醃雞最少 3 小時 (最好一晚)

2. 預熱焗爐以 grill 的 function 焗面20分鐘，根據顏色，反轉再焗10-15分鐘至自己喜歡的程度

p.s. 喜歡食蒜頭的朋友可以放完個蒜頭入去焗...之後當蒜泥咁搽雞

羅宋湯


蜆意粉...睇相都知乾咗少少...