Model 丸子﹗

因 為之前大頭姨姨上GROUPON買咗團購DINNER，今日會去赤柱食晚餐，所以幫小丸子著靚靚，出門口之前先影下相﹗好鍾意同小丸子影相，因為小朋友去 到大頭妹的年紀，已經唔會再乖乖地企係度比我影，成日又鬧又氹 (好地地影相...仲咩要鬧人呢...呢個媽咪真係無解的)，都影唔到 (全部都震)。
小丸子同大頭妹的喜好完全唔同，小丸子OK肯戴HEADBAND，唔肯戴帽。

唔鍾意戴帽﹗

不斷想除帽﹗

肥妹仔...好可愛﹗

伸伸脷﹗

好鬼大力，用手扯頂帽的時候，將自己成個扯低咗﹗笑C媽咪啦﹗

因為面仔2粒瘡，星期六同佢地睇醫生...結果醫生話係 "蚊難"...

得得戚戚﹗

最近...個個都話佢瘦咗...又的確...6個月到依家都係 22磅左右。

點影都影唔到啲牙仔...依家有2隻牙架啦﹗

呢幅笑得好嬌俏﹗

呢幅笑得好狂野﹗


開始想學爬，不過仲未識爬。

見我不停影妹妹，先肯乖乖地比我影一幅﹗

寫BLOG的時候，睇返啲相，真係好開心﹗我諗寫BLOG的樂趣就係呢度﹗