大頭妹第一次學校旅行﹗

期待以久...上星期六全家一齊參加大頭妹 幼稚園的第一次學校旅行﹗連小丸子都有份﹗8:00AM要到學校集合，地點是北潭涌﹗真是坐車都坐到頭暈，點解唔去近近地的鯉魚門呢？﹗我最怕坐車... 通常10分鐘之後就開始暈車浪...仲要照顧2個囡﹗HEHEH...真是辛苦過返工﹗

見好多家長都早有準備，係學校等車的時候就食早餐...我地都拿拿聲去7-11買返個麵包﹗8:30就可以上車啦﹗開車無耐，老師就話唱下歌...真係唱太陽伯伯...HEHEHEH...唔怪得大頭妹日日返屋企都唱﹗

大約9:30就到營地，10:30先有集體活動，有1小時的自由活動，不過因為落雨，好多戶外活動都做唔到，學校派咗 "吹泡泡"，我地就坐係涼亭玩BUBBLE﹗

叫阿旺幫我影下相...帶咗大機無理由唔影相嘛﹗

全程小丸子都好合作，無扭計又無喊﹗

其實地方都唔錯，可惜落雨...我都計畫梗遲啲自己再去玩2日1夜的﹗不過...鯉魚門近好多﹗

之後是集體遊戲時間﹗

好認真﹗

大頭妹同爸爸一組

有禮物﹗

玩遊戲

傳圈圈﹗

又有禮物...人人有份架﹗

食飯之前又有大約30分鐘自由時間﹗



食飯啦﹗
估唔到都幾好味...可能因為上次鯉魚門都幾...今次覺得幾好味﹗

小丸子無得食飯...食住餅仔先﹗

一食飯大頭妹就瞓咗...有咩辦法唔瘦吖﹗
不過我見我地一枱3個女仔都瞓咗，隔離枱3個男仔仲好精神﹗
所以男仔係真係精力旺盛啲﹗

食完飯又自由活動時間啦﹗

好彩出返太陽，終於可以玩下戶外設施啦﹗