2013年12月21日 星期六

三代同堂去旅行@DAY 1 - 新加坡

2013年11月29日 (星期五)

DAY 1: 香港 - 新加坡 - 螃蟹之家 - Novotel

再次多謝歌詩達郵輪嘅邀請,令我可以一圓阿旺同佢爸爸媽媽一齊去旅行嘅心願 (阿旺,麻煩你大大聲讚下你個靚老婆,秀外慧中﹑溫柔體貼﹑善解人意)﹗今次郵輪假期,我地真是玩得好開心﹗我地香港人生活忙碌,陪屋企人嘅時間真係唔多,尤其有埋小朋友之後,陪父母嘅時間更加買少見少。除非一齊住,如果唔係一星期一次晚飯,都已經好極限。今次真是一個好好嘅親子,同比爺爺嫲嫲享天倫樂嘅旅行﹗我見老爺奶奶﹑大頭妹小丸子全程都好開心,我自己都好開心﹗

講返行程,本來我打算坐早機去,有多啲時候係新加坡四圍玩下,點知我公司突然有事,前 2日先知要改下午機去。阿旺﹑大頭妹﹑小丸子﹑大頭爺爺﹑大頭嫲嫲,就一早坐 9:00機出發,我就要下午 4:00先出發﹗當佢地知道我要晏啲去嘅時候,全部人都進入驚恐狀態,個個都怕搞唔掂小丸子﹗hehehe...小丸子有咁恐怖咩?﹗其實係大頭妹乖啫﹗阿旺直頭叫我改埋小丸子張機票同我一齊晏啲先去﹗最後我當然無改到啦﹗無啦啦又要比多 $600改機票﹗好彩爸爸話小丸子係飛機上好乖,全程都無扭計,佢地預備嘅零食同朱古力都用唔著﹗

佢地第一日嘅行程就豐富囉﹗阿旺同老爺奶奶約咗阿旺嘅表姐食蟹,之後阿旺又約咗佢係新加坡 "手機遊戲" 嘅隊友食黑胡椒蟹,本來我都有份,點知我班機 delay咗 2個鐘,搞到我晚餐時間都未到,最後成 10:00pm先到新加坡,阿旺又陪我去食肉骨茶﹗佢就真是肥仔囉﹗一晚食足 3餐﹗

我地今次 book 咗係 Clarke Quay嘅 Novotel,今期 DBS岩岩做優惠, 比係 hotels.com訂更加平,仲要包埋早餐同 wifi,一晚 around $1500 (連稅),所以其實平時買 package真係抵好多, around $3000已經包機票﹑3晚酒店,有機會都要再去多一次,今次留一晚真係唔係好夠﹗不過 4月又去台灣,應該無咁快﹗Novotel 嘅 location都唔錯,Clarke Quay有少少似我地香港嘅蘭桂坊,有好多酒吧,食店都開到 12:00,我班機 delay咗,都仲有晚餐食﹗房間就一般般啦,好彩service同早餐嘅質素都唔錯﹗我訂房時要求同一層,佢地都比到隔離房我,樓下有個細 shopping mall同一間大型日式超市,都算好方便﹗

出發前影返張大合照﹗工人姐姐返嚟嘅時間同我講,大頭妹上機之前有問媽媽去咗邊,我真係心都甜埋,去玩都仲記得媽媽,真是乖女﹗

今次係大頭妹第 2次坐飛機,小丸子就第一次坐飛機﹗

今次大頭妹有自己一個位,仲有小朋友飛機餐,但就唔記得幫小丸子 request bb 飛機餐,不過其實佢依家都唔食 baby food架啦﹗同家姐 share啦﹗小朋友去新加坡嘅機票大約 $1800 + tax,bb 就$900 + tax,heheh...所以我台灣個 trip改早咗一星期,剛剛係小丸子 2歲前去多一次旅行﹗

可以坐定定嘅小朋友﹗

唔可以坐定定嘅小朋友﹗

大頭妹轉個頭自己瞓埋...所以帶大頭妹出街,什至去旅行,都唔係一件難事﹗

小朋友飛機餐。

不能不上網嘅阿旺,一落機就買咗當地嘅 sim card (之前叫我一定要訂有 wifi 嘅酒店),SGD28/ 7日 (大約港幣$170),包 1GB數據用量﹗



第一站,由住係新加坡嘅阿旺表姐帶路去 Mellben 龍海鮮螃蟹王

椰青

桔仔水,阿旺話唔及馬來西亞嘅好飲,因為係沖嘅,唔係新鮮嘅﹗

炒白菜 

蛋黃骨,阿旺推介,佢話好好味﹗

炸豆腐,阿旺話一般般﹗

奶油炒蟹,阿旺話好好味﹗哼...我都無份食...我唔制呀﹗

阿旺咁百厭...好明顯係遺傳自我老爺... 

wahahah...大頭姑媽教大頭妹擺港女post﹗


阿旺同佢隊友食嘅第2餐﹗又係食蟹,今次係黑胡椒蟹,係我 request嘅,不過我班機 delay...我無緣食蟹啦﹗鳴鳴鳴...我唔制呀﹗﹗﹗

螃蟹之家:

羅漢果水

蝦片,用來點胡椒蟹食﹗

酸菜

嘩...阿旺同佢隊友...竟然食鮑魚...我又無份食...鳴鳴鳴﹗

我好想食呀﹗﹗﹗阿旺話呢間嘅蟹嘅肉質好過之前一間,但味道就之前一間好味啲,各有各好,不過最重要係...香港一定食唔到 (以價錢同質素比)﹗

阿旺推介薏米水,因為係新鮮煲架﹗ 

wahahaha...阿旺嘅第3餐﹗陪我食肉骨茶﹗

um...普普通通啦﹗新加坡嘅肉朋茶比較重胡椒味﹗




食完行下 Clarke Quay附近﹗

hehehe...我同阿旺都無勇氣玩﹗

兩個人行下河邊﹗

Clarke Quay有好多酒吧,都幾好氣氛,仲有好多衣著性感嘅辣妹﹗


我原本想食呢間珍寶,係酒店附近又開到12:00,不過阿旺已經食咗 2餐蟹,無理由叫佢陪我食第3餐蟹架﹗ 

放咗 2個囡係老爺奶奶房,我地自己拍下拖 sweet sweet下﹗


我地住嘅酒店!

訂房嘅時候 request咗同一層,比咗個角位連房我地﹗



不過因為咁,我地角位間房會比一般 standard room細咗﹗


老爺奶奶間房,應該係 normal standard room。

洗手間

 

如果大家想認識多啲 COSTA CRUISE,可以去佢地嘅網址睇下﹗佢地農曆新年會有香港出發嘅行線架﹗


三代同堂去旅行@DAY 2 - SANDS﹑牛車水﹑ 歌詩達郵輪『維多利亞號』
三代同堂去旅行@DAY 2 - 歌詩達郵輪『維多利亞號』- 上船 + 房間 +第一餐晚餐
三代同堂去旅行@DAY 3 - 歌詩達郵輪『維多利亞號』設施篇 
三代同堂去旅行@DAY 3 - 船長歡迎晚宴
三代同堂去旅行@DAY 4 - 布吉島




2 則留言:

  1. 帶埋其他家人既最大好處..... 就係可以蛇出去玩下!

    回覆刪除

Related Posts Plugin for WordPress, Blogger...