2013年12月3日 星期二

CCK皇牌睡袋

BB瞓得好,媽媽冇煩惱﹗除咗飲7星茶,CCK 嘅皇牌睡袋都幫到你!

多謝 Maggie姨姨送大頭妹同小丸子一人一個 "夾綿" 睡袋﹗其實我地一早就係用家啦﹗不過我地就用開 "薄身" 綿個種﹗佢地依家好似有好多款,我知嘅都有 4款,包括毛巾料﹑綿﹑薄夾綿﹑厚夾綿﹗我地今次收到嘅係厚夾綿款﹗

其實外國好流行用睡袋,之前我自己開 online shop其實都有諗過入睡袋,個年我入 BB展,諗住睇下,行來行去...都係覺得 CCK嘅最好﹗最好嘅意思係計價錢 ﹑質地 ﹑設計﹗先講價錢,正價$288- $298,BB展嘅時候大約 $220-230,比起好多美國牌子平,有啲可以去到 $400 500,甚至過千...CCK嘅價錢十分公道。講質地,佢地 100% cotton, 我覺得好過 fleece料。講設計...更加唔洗講,佢拉鍊設計夠方便,最頂嘅位於有個包口位,唔怕拉鍊會整親小朋友頸仔,腳仔有開口位,方便小朋友著住都仲可能行來行去﹑去洗手間﹑換片﹗HEHEHEH...最後貨就入唔成,不過就買咗一個 CCK 嘅睡袋比大頭妹用﹗之後一年又入 BB展買多個比小丸子﹗



之前一直未夠凍用個厚身夾綿睡袋,呢幾日終於可以試啦﹗

咦?點解一著上身...周公就急 CALL嘅?﹗

HEHEHEH...小丸子發夢都諗住食...你真係好為食...

著完唔夠一分鐘...自己瞓咗...

大頭妹真超級 "踢被王",佢真係差不多 10度以下先唔踢被,其他時間都幫我踢走晒﹗但佢踢被時,我會凍呢﹗﹗﹗

大頭妹呢個係 M SIZE,同小丸子一樣,係我自己買薄身綿料款,佢個人...好固執...我之後一件買多一個粉紅色嘅,佢點都唔肯用,今次 MAGGIE姨姨送新嘅...佢都唔肯用...淨係肯用自己原來個個...

其實佢未瞓著,不過可能係習慣,佢一著完睡袋就知道自己要瞓,一著就合埋眼﹗

小丸子著個款係 "厚身夾綿",依定呢個天氣都應該未洗出動住,我見小丸子流晒汗。

100% Cotton,最重要可以機洗﹗



4 則留言:

  1. 我都係用家之一, 哈哈!! 呢個睡袋真係好好!

    回覆刪除
  2. 其實用咗睡袋仲駛唔駛蓋柀?

    回覆刪除
    回覆
    1. 我夏天開冷氣就通常單用薄身款,冬天就薄身款再加被。不過今年有厚身夾綿款,我諗除非10度以下,否剛都唔洗再加被。

      刪除
  3. 我都鍾意下面可以伸到腳出黎既, 可以抖下氣.而且再大少少都仲用到. Bibi果件, 由一歲用到幾歲, 非常實用.

    回覆刪除

Related Posts Plugin for WordPress, Blogger...