大頭妹 35個月﹗

眨下眼大頭妹就 35個月，原來我個囡就快 3歲，有小朋友之後真是覺得時間過得好快﹗其實小丸子下星期都 1歲啦﹗我真是要好好考慮兩個寶貝的生日會，應該會係 2個生日的中間揀一個星期日一齊慶祝﹗

今個月終於有 25磅啦﹗身高 92-93cm﹗

最 近好鍾意睇書，成日要我講故事，同一個故事，一晚要我講 5-6次，晚晚都要講，講到我都識背啦﹗邊個故事？﹗之唔係 CINDERELLA囉﹗不過為咗陪養佢愛閱讀，多睇書，講幾多次都無計啦？﹗不過得我講到底有冇用呢？﹗我估有呱，因為阿旺話有一次佢講的時候，有一個 英文佢唔識 (PALACE)，大頭妹竟然識提佢﹗不過最近我想佢認下中文字，所以買多幾本中文故事書比佢睇，有小紅帽﹑狼來了﹑三隻小豬﹗睇完之後成日都話妹妹係大 灰狼 (咁岩3個故事都有大灰狼)...妹妹真係慘...有一次仲比大頭妹夾到手指，大頭妹話妹妹係大灰狼，一見佢入房就關門...

之前 買咗英數字卡，終於都識玩啦﹗我都好 SURPRISE，唔知係唔係學校有教，一或佢BB時我教佢嘅野，其實佢真係會記得？﹗呢SET數字卡好耐都無拎出嚟玩過 (因為都識晒 1-12)，最近我教咗佢一次 ONE - TWELVE，只是一次佢竟然記得晒？﹗我教完佢一次之後，佢連續幾日都自己拎盒卡出嚟要我同佢玩，如是者幾日，佢認得好熟之後，佢又唔玩啦﹗