2013年4月3日 星期三

4日復活節假期

其實我一直都唔係好明,我地香港又唔係天主教/ 基督教國家/ 地方,點解我地的復活節假會仲長過農曆新年?﹗不過其實假期...真係多多都唔夠,貶下眼4日假期就完咗啦﹗都好似無做過咩咁﹗

假期第一日,本身有 PR姐姐邀請我地去 "We嘩!充氣嘉年華「復活節環球遊樂園」@荃灣廣場",可惜阿旺要返工,我又唔敢一拖二去街,最後唯有乖乖地留係屋企﹗

假期第二日,要去拜山,朝早 9:30AM出門口,返到屋企已經 4:30PM,咁就無咗一日假期啦﹗

假期第三日,一早又帶小丸子去睇醫生,之後又好似咩都無做過﹗

假 期第四日,終於有節目啦﹗帶大頭妹同小丸子參加阿旺的舊同事的囡囡一歲生日會,第一次去咁有 "規模" 的生日會,去完之後阿旺好 "擔心",驚我會幫小丸子/ 大頭妹 "大搞" 生日﹗HEHE...最多都係係屋企搞,唔洗咁擔心喎﹗不過...一個4月出世,1個 5月出世,依家我都諗緊點搞,一齊搞...又唔知揀邊日好,分開搞...又好似好 "擾民"﹗你知依家香港人幾忙架啦﹗所以我都煩惱緊﹗


另一個舊同事的B囡,阿旺話呢啲先係B囡...依家小丸子唔係B囡咩?﹗人地只係大份咗小小之嘛﹗﹗﹗


PARTY之後去咗 AUNTIE RITA屋企,去參觀新屋同同MARCUS玩﹗
大頭妹好鍾意呢個釣魚機﹗

男仔玩的玩具同囡仔玩的真係好唔同,HEHEHEH...大頭妹問我支玩具槍係咩嚟?﹗


小丸子鍾意玩車﹗


TEA TIME差電,笑得幾開心﹗


一去到我已經睇中呢張 IKEA BB椅,之前叫阿旺買,佢話怕用得唔耐唔肯買...依家佢話係因為無貨﹗但小丸子一出世我就叫佢買...到依家都無貨?﹗我唔信﹗﹗﹗


小丸子好鍾意呢張BB椅...我要去買返 2張先得啦﹗小丸子同大頭妹一人一張﹗





沒有留言:

張貼留言

Related Posts Plugin for WordPress, Blogger...