真面目

上星期三放工我去做按摩加修甲，要阿旺自己諗定晚餐，修完甲就收到阿旺的whatsapp，話出街食啦﹗hehehe...每日諗食咩真是好頭痛，尤其是依家工人姐姐唔可以自己去買餸，我地放工仲要買餸，有時等佢煮完都 9:00，所以都多咗出去食。

阿旺先去等位，我一去到就見到小丸子扭計啦﹗其實佢係因為見到我先扭計，見到媽媽就唔要爸爸架啦﹗

小丸子的真面目 (扭計連環圖):

不滿樣

一手拉個memu落嚟...仲唔係 "惡人丸"？

大頭妹就要睇下我啲指甲，女孩小貪靚果然係天性﹗


我的真面目，做完massage順便沖涼...所以...落咗妝﹗ ( 同返媽咪坐，即刻笑返﹗咁睇我地又幾似樣喎﹗)

我同阿旺都是悶人，都是食返上次的咖哩吉列豬扒飯同咖哩吉列豬扒蛋包飯﹗

今次大頭妹都有食少少﹗

都大啖大啖食架﹗


食飽就自己收圍巾。

阿旺的真面目...成日打機，陪屋企人的時間可唔可以唔打機呢？

各位親朋好友唔洗幫佢講好說話，其實我已經覺得我好克制架啦﹗大家可以自己睇下，出街食飯都要帶住 2部電話打機﹗有時仲要打埋我個部﹗

仲要扮晒野﹗唔係見佢公司呢排真係好煩，爆咗佢好耐...依家仍然克制中...

為咗有餐安樂茶飯食，我一坐底就比奶小丸子飲，飲完就瞓咗啦﹗

頭先自己打比menu的時候...比本menu挖到眼仔下面﹗

大頭妹見小丸子瞓咗又話要瞓，瞓上妹妹個身...結果...

小丸子醒咗...好彩都差不多...食甜品啦﹗

又丟晒我啲野落地...


大頭妹搗蛋的真面目，我影唔到...因為佢當時瞓上阿妹度，而阿妹又瞓係我大腿。整醒阿妹見有雪糕食又返埋位囉...咁你整醒阿妹做咩呢？﹗

食飽飽去咗夢之島，之後再去行吉之島﹗

其實我好想知 "青蛙仔" 係咩味？大頭妹...好好好鍾意食囉...但媽媽好好好唔想你成日都要食青蛙仔囉﹗﹗﹗