親子關係母乳餵哺工作坊

之前在 FACEBOOK PAGE，事先張揚了上星期日會去香港小童群益會參加一個親子關係同母乳餵哺的工作坊﹗好適合準媽媽參加，當日所見大部份都是準媽媽，仲有準爸爸﹗年代唔同，依家嘅爸爸係親子關係上的參與度大咗好多﹗哈哈哈...我就同大頭妹一齊去，話明親子工作坊嘛，星期日是親子時間，我當然帶埋大頭妹一齊去啦﹗

工作坊分 2部份，上半部是講親子關係，何謂親子關係，故名思義就是父母同子女由小培養的關係，應該是越早開始越好﹗其實唔難理解，一個小朋友由 0-3歲，生命入面就只有父母，這個時候父母的影響力是最大，我相信無人唔同意。尤其依家小朋友早熟，睇新聞有6歲的小朋友就入"童黨"，都真係幾恐怖﹗之前都睇過一篇文章講 "你可以有一個小朋友幾耐？"，依家小朋友細個想你陪佢，你唔比時間佢，到自己老咗有時間，佢大個已經唔洗你陪佢啦﹗所以我將我大部分的私人時間都花在兩個寶貝身上﹗

講 座入面，社工仲分享咗好多親子的 tips，要多點從小朋友的角度出發，唔好比自己的情緒去影響教小朋友的行為，我之前都講過，我自己都試過係大頭妹戒片的時候，當佢瀨尿的時候，打佢 pat pat，之後諗返，佢由一出世就係片片大小便，其實我點可以祈望幾日就可以令佢明白，唔可以係片片大小便 (大頭妹的戒片血淚史)？﹗

另 外社工講咗一點我好認同的，就是要多 "抱抱" 啦﹗我知道好多老人家都話小朋友抱得多會好扭抱，但是係唔係要去到喊都唔抱呢？﹗以大頭妹為例，佢 BB的時候，我真係佢一喊就抱，到大啲之後都無扭抱，佢仲好少喊﹗總之就是要先滿足基本需要 (食得飽﹑著得暖)，再滿足心靈上的需要﹗

第2部分是由護士講母乳餵哺，我 陀大頭妹的時候都無聽過類似的講座，其實好有用架 (推介比打算餵母乳的準媽媽)﹗起碼會大約知道餵媽媽奶的情況，我之前睇書，見話要 2-3小時餵 1次，每次要餵 30分鐘，我以為是 "打錯字"，食得咁密，又要食咁耐，仲邊有休息時間？﹗到大頭妹的時候...佢每 1.5-2小時就食一次，每次食 30-40分鐘﹗
哈哈...我已經完成我的歷史任務，大頭妹同小丸子頭 6個月都是食媽媽奶的，大頭妹就食得多少少，差不多真是 6個月都全媽媽奶，小丸子就因為我返工唔方便 PUMP奶，雖然都是食足 6個月，不過5個月之後就加好多奶粉啦﹗要成功餵母乳真是要家人同公司的配合﹗

如果大家對以上的講座內容有興趣，我知道佢地4-5月都仲有講座，大家可以CLICK入下面呢條 LINK睇下多啲資料同報名﹗
http://stfle.bgca.org.hk/0465/files/file/breastfeeding.pdf