2013年11月14日 星期四

Home Sweet Home Project (2-10 Nov 13)

可能之前成日聽人講話啲裝修師傅成日拖,唔知點解我覺得我個師傅做野都幾快﹗隔幾日上去,又有新野睇﹗

今個星期已經換晒窗,不過...出咗少少問題 (唔關師傅事...我地自己問題)﹗我以前一直都覺得我地屋苑嘅大窗好靚,點知因為我地要轉 "分體式冷氣機",師傅問我地改個窗個高度好唔好,我話唔好改。之後由阿旺同師傅跟,唔知佢地點溝通?﹗最下面嘅 "梗窗"竟然改到同上面開到個窗一樣大﹗﹗﹗我嘅大窗 "唔見咗",阿旺話師傅話就分體機個位做個窗,可能要高 2-3寸,但就 2邊都開到窗 (唔改就可能一邊開唔到/ 開唔大),問佢好唔好,佢話ok...佢估唔到個分體機咁高...well...咁我地自己話咗ok...就無得好講啦﹗

又同師傅夾咗一次廚櫃﹑浴室櫃﹑訂做傢俬嘅設計﹗會訂做 3組傢俬,包括: 大廳組合櫃﹑睡房大衣櫃﹑同小朋友房組合床﹗

我地都買咗廚房 3寶啦﹗原來同煤氣公司買,佢地做分期會係煤氣費單直接做,連 credit card都唔洗,真係好方便﹗

 星期初,走廊嘅假天花都未整好。

啲窗到咗﹗

前一日話個水制好似有問題,之後一日已經整好啦﹗

仲開始 "試水啦﹗
師傅話最後要 4個人抬,先放得入個浴缸,
因為個位真係太貼啦﹗

廚房開始鋪磚。

星期尾再上去,假天花已經整好啦﹗

廚房牆身磚已經鋪好﹗仲整好地台啦﹗

浴缸亦都用木板蓋好,防止整花﹗

睡房個邊做多個門口仔開假天花貯物櫃。
其實樓底唔高,整完都唔係多好多位,
不過地方細咗...真係少少位都要用盡佢﹗

樣樣都好滿意...唯獨係廳個窗...
第一次見到呢個窗嘅時候真是好 "震驚"﹗

比大家睇返...原先係咁架嘛...
其實我真係有諗過比錢再整過...鳴鳴鳴...
細房都換好窗啦﹗

大房都換好窗啦﹗

heheheh...影返個合照﹗

hehehe...好期待間屋快啲裝修好﹗
大家 like咗我地嘅 facebook page未呀﹗請多多支持﹗

7 則留言:

  1. 我個師傅做野都幾快﹗>>> so good! 我屋企人有個裝修小工程... 話兩星期... 而家都搞咗成個月... 都未得呀! 嗚嗚嗚!

    回覆刪除
  2. 個窗睇落真係怪咗D喎..........

    回覆刪除
  3. 提下你,屋企有小朋友,個窗記得裝番窗花呀!

    回覆刪除
  4. 正方型既窗框確實有少少怪..會轉嗎.?

    回覆刪除
  5. 見到自己既屋企~
    一步一步咁完成~
    個種感覺一定好正`
    羨慕你既sweet family~
    祝福你地~ =]
    P.S 不過個窗真係有d d 怪~

    回覆刪除

Related Posts Plugin for WordPress, Blogger...