大頭妹 K2 功課大作戰﹗

自從大頭妹升上 K2之後，初初真是好唔習慣咁多功課，我地都用咗成個月去適應﹗早前就睇到呢篇報導: K3周末七份功課 港媽：我做定佢做？都想發表下意見﹗【晴報專訊】香港填鴨式教育為人詬病。有港媽在網上訴說，讀K3（幼稚園第三年班）的兒子周末有七份功課， 實際不少由父母做，感覺很無謂。有團體指曾收到家長投訴功課多且深，慨嘆部分學校以課程深作賣點。幼兒專家指過分催谷造成壓力，曾聞五歲學童要自殺。(全 文: https://hk.news.yahoo.com/k3%E5%91%A8%E6%9C%AB%E4%B8%83%E4%BB%BD%E5%8A%9F%E8%AA%B2-%E6%B8%AF%E5%AA%BD-%E6%88%91%E5%81%9A%E5%AE%9A%E4%BD%A2%E5%81%9A-224644264.html)

哈哈...其實大頭妹學校都差唔多，由 K1一星期 2日功課，到 K2變成日日都有 2-4份功課，英文寫字一定有，再加中文/ 數學，間中會有常識功作紙，一星期 2次 PHONICS 的功課。星期五 (即是週末啦﹗) 有 6 -7 份功課﹗中﹑英﹑數各一，再加上 PHONICS﹑常識功作紙﹑剪報，就 6份啦﹗有時數學會有 2份，因為佢讀國際班有 2本數學練習，一中一英的﹗有時...仲有自由參加的填色比賽，6份真是一定走唔甩架啦﹗

我都用咗差不多 1個月去適應，起初真是 "血壓" 急升﹗大頭妹最近都適應咗，最初間中都要一邊喊一邊做，有時又會話欠交啦﹗唔做啦﹗不過對比返開學初期，已經好咗，起碼係時間上好咗，其實佢係識嘅，不過就無信心﹗同埋唔肯自己做，就算自己做，都做到好 "肉酸"，但我坐係佢旁邊做呢，佢又會寫得 "靚啲" (真係 D架咋...多都無架啦)﹗

其實我自佢 K1下學期都已經日日比佢寫 COPYBOOK，不過就是每次寫幾個，有時一頁都分 2-3次做﹗相對我覺得佢個底係 OK，其實依家學校教好多字，我之前已經有要佢寫過﹗寫的字未算深，量都唔算多 (適應下來之後)﹗之前聽朋友講 K2下學期要寫爸爸﹑媽媽﹑飛機，我已經覺得好恐怖﹗依家我見朋友 K2的小朋友，上學期已經寫媽媽﹗

怪獸家長的我...仲決定依家開始同小丸子做 workbook，市面買一本有整中英數，圈下野油下顏色個啲﹗大頭妹就要再加功課﹗先一排佢地上 project approach，唔洗寫字，我同佢自己寫下其他生字，點知發現佢之前學校學的，又已經唔記得咗啦﹗問你怕未？﹗

老老實實。。。又隔行又隔格，每日一中一英／一英一數，我覺得都還可以，我細個仲多功課少少！(呀...空格一個個圈...係小丸子畫花的...)

K2中文書，之前令我好頭痛，點讀都讀唔識，依家，已經放棄，真是死好多細胞！

老實講...係香港的教育制度下，我地家長都係面對現實，向現實低頭，如果連家長都覺得小朋友的功課是苦差，小朋友就更加覺得，所以我依家成日都會同大頭妹講 "嘩﹗今日咁少功課嘅？﹗我地實好快做晒啦﹗"。

大家 like咗我地個 page未呀？﹗未就快啲 like 啦﹗