2日1夜生日之旅@香港愉景灣酒店 (酒店篇)

好 開心﹗好開心呀﹗今次我個生日之旅真係玩得好開心﹗有小朋友之後，真係見佢地開心，自己就開心﹗好耐都未去過旅行啦﹗上次已經係舊年的事，今年想去旅行之 際，我發現大頭妹有 PASSPORT無回鄉證，小丸子有回港證，無 PASSPORT，最最最重要係...我自己PASSPORT同回鄉證都過晒期﹗﹗﹗好彩之前上網見到香港愉景灣酒店新開，一於留係香港渡假啦﹗﹗﹗

星 期六等大頭妹上完唱歌班我地就出發啦﹗為營造更濃厚的旅行氣氛，我特意由中環坐船出發﹗小朋友坐到平時坐唔到的交通工具，特別開心架嘛﹗點知大頭妹一上船 就瞓，好彩仲有小丸子陪我睇海﹗我地坐 1:30的船，2:00就去到愉景灣啦﹗之後去咗麥當奴食少少野，就由碼頭巴士站坐 free shuttle去酒店啦﹗其實愉景灣酒店係有 free shuttle 提供比住客往來灣仔/ 尖沙咀等香港九龍主要地區，阿旺走的時候就係坐 free shuttle返灣仔架﹗

係碼頭等船的時候，大頭妹話要睇海，佢好鍾意睇海，佢同我講見到白色船﹗

就係我地要坐個架船囉﹗

出發啦﹗個日天氣麻麻地，不過都好好彩，我地係船的時候就好大雨，到落船就停咗，之後全日都無再落雨啦﹗我地可以去游水﹗游水的時候仲好好陽光呀﹗

睇下大頭妹幾開心﹗

小丸子都唔執書，霸返個靚位睇海，其實係因為大頭妹已經瞓咗，唔係佢邊有得坐窗口位﹗

落船之後，係碼頭旁邊的巴士站有 FREE SHUTTLE去愉景灣酒店，每30分鐘一班，另外都有巴士 C9/ C4去架﹗

等SHUTTLE BUS的時候，又整阿妹﹗

不過阿妹個樣好似好受落﹗佢真係好鍾意家姐架﹗


落車行 1-2分鐘就到酒店，3:00開始 check-in，都好多情侶同一家大細入嚟玩。

酒店的服務非常好，一見我地有小朋友，已經派咗個禮物包比大頭妹，又同我地講佢地的 free shuttle service同 kids' club的服務﹗

入到酒店房，我住的是海景雙卧室豪華套房，有超級無敵大海景呀﹗﹗﹗

前面係中環同尖沙咀，可以望晒 IFC 同 ICC。

右面係愉景灣。


左前有迪士尼。

房間有個超大露台，廳同兩間房都可以行出去架﹗我夜晚仲係度睇星星，可以睇到好多星星，我當時真係有 "企圖" 整醒大頭妹一齊睇，可惜佢完全瞓到無晒反應﹗

岩岩落完雨，地下仲有少少濕﹗

海景雙卧室豪華套房仲有廚房﹗

仲有咖啡機﹗

仲有客﹑飯廳﹗

大房係兩人大床 (king size bed)。

洗手間有浴缸。

細房係單人床。

洗手間係企缸。

HEHEHE...睇下大頭妹，已經好開心咁跳梗﹗

有一件事又係一定要記低，大頭妹一到步的時候，坐上沙發話好舒服，之後佢走去同爸爸講 "呢度個地下有毛架﹗"，我地聽到...係個心度真係笑到收唔到聲，不過怕傷害佢的弱小心靈，忍住唔笑，仲同佢解釋，個啲係地毯，唔係毛...HEHEHEH...真係笑C我啦﹗﹗﹗
大頭妹: 好好笑咩？﹗(設計對白)

見露台地下開始乾，比兩隻豬仔出露台玩下﹗

之後快快手手同2個囡換泳衣去游水啦﹗

為咗今個trip，專登去GAP買件靚靚3點式泳衣比大頭妹，點知大頭妹唔岩著，益咗小丸子﹗其實我買 2T之嘛，但大頭妹甩褲囉﹗

大肚腩丸子﹗

係咁搵自己個肚臍﹗

香港愉景灣酒店游泳池的都幾大，有一個25米的成人池，同2個兒童池，仲有一個 JACUZZI﹗眼見有 3個救生員，我地一去到的時候，真係見到個救生員救咗個小朋友上池邊，個小朋友的媽咪都完全唔知﹗真係要比10個讚個救生員呀﹗

大頭妹同小丸子都好鍾意游水﹗因為都好多小朋友一齊玩，大頭妹同小丸子真係玩到癲晒﹗

我真係無眼睇...小丸子係度飲泳池水...HEHEHEH...我都唔知佢飲咗幾多﹗﹗﹗

小丸子比起大頭妹...真係 "狂野" 好多﹗﹗﹗

玩咗 1個鐘都唔肯走，返到上房又話要再游水﹗小朋友真係有用唔完的精力﹗

係 FACEBOOK 有人問我咩事，無咩事架，貪玩囉﹗﹗﹗已經游咗一個鐘，再沖咗半個鐘，上水都仲要喊﹗

睇下佢喊得幾 "淒涼"，媽媽心軟想比佢落返水架啦﹗不過爸爸就企得好硬﹗

之後落去 THE BOUNTY KIDS' CLUB玩﹗

大頭妹好鍾意油顏色架﹗


油完仲叫姐姐幫佢貼堂﹗

我同小丸子玩彈彈波，玩咗一陣 (幾下)，我已經 "無命" 啦﹗

仲佢地揀的活動，就知大頭妹好静，小丸子好動﹗

佢地的 kids room都幾大架﹗

另一邊﹗


玩到 7:30啦﹗出發去食自助晚餐﹗由於太多相啦﹗自助晚餐，同自助早餐分開出 BLOG，大家記得留意啦﹗

2日1夜生日之旅@香港愉景灣酒店 (自助晚餐篇)
2日1夜生日之旅@香港愉景灣酒店 (自助早餐篇)

想睇晒全部相就要去我地個FACEBOOK PAGE啦﹗
https://www.facebook.com/media/set/?set=a.550654154970534.1073741842.113329742036313&type=3
香港愉景灣酒店網頁: http://www.aubergediscoverybay.com/tc香港愉景灣酒店 FACEBOOK PAGE: https://www.facebook.com/AubergeDBay