2014年9月3日 星期三

大頭妹 K2開學了

眨下眼大頭妹今年就升 K2了﹗2個囡都是 8月15日 (星期五)開學﹗大頭妹今年都是升 B班,其實都唔知學校有冇分班,不過見今年好多同學都去了不同的班,原班直升的不多,但是見大頭妹又無大問題,只是同我講同學唔同晒,見佢都無咩唔捨得﹗

不過 K2 之後真是好多功課﹗我覺得是我 K1的時候太放鬆了﹗今年一開學就每日 3樣功課,通常是中﹑英﹑數各一份,所以 BASIC 已有 3份,有時仲有習作紙﹗剛剛的星期六就有 6份﹗真是好似做唔完咁﹗我依家覺得我平日星期一至四真是唔可以出街,如果唔係等我返屋企先做功課,就會做到好夜﹗平時都已經夜瞓﹗本來想襯 2個都返學,就等佢地早啲瞓﹗

今年仲有好多本書,由於讀國際班,中文書 2本,連數學都 2本,英文又 2本,其中一本是 PHONICS,今年終於見佢有 PHONICS 的書﹗之前是 HK BOOKS STORE 見到想買,原來學校都是用呢套﹗唔怪得學校的書簿費成 $6XXX/ 學期﹗我決定今個學期唔會自己再買書﹗真是讀識晒學校的,其實都好足夠﹗

之前仲買咗好多本 DISNEY AUDIO BOOK﹗暑假有 DISCOUNT, $5X/本﹗不過因為是外國版,其實都幾深,大頭妹未識自己睇,我都要每晚慢慢講,一本有時都要分 2 - 3 日睇﹗之前專登買咗部 CD機,唔夠半年就比佢地整爛咗﹗仲要連其中 2本 AUDIO BOOKS的 CD都整唔見埋﹗唉﹗所以依家我都收起晒啲貴又易爛的書﹗仲千叮萬囑叫我工人姐姐唔好比佢地玩﹗

呢啲係學校派的,另外仲有個 online password 可以上網睇晒全套 24本﹗睇完仲有張証書攞返﹗其實依家 K1 程度的英文都幾深﹗

依家大個囡啦﹗識得叫我每日幫佢紮靚靚﹗

hahaha...要 Elsa 的 twist cross﹗

今年由我帶返學啦﹗之前都係爸爸帶,但今年爸爸要帶妹妹返學,妹妹學校要行遠啲,呢啲苦差當然交比爸爸啦﹗


大家 LIKE 咗我地個 FACEBOOK PAGE未呀?﹗未就快啲 LIKE 啦﹗

4 則留言:

  1. 回覆
    1. k1 的時候太懶散啦﹗依家就知味道﹗

      刪除
  2. 嘩!K2書費要六仟幾一學期,我啲女中學一年都係三仟幾,而家養兩個細路,比我地以前貴好多,太辛苦了你們做家長了!

    回覆刪除
    回覆
    1. 係呀﹗我寫 cheque 的時候真是手都震...已經唔記得係唔係包埋茶點。

      刪除

Related Posts Plugin for WordPress, Blogger...