星期日山頂廣場家庭日﹗

呢個暑假 (7-8月)，山頂廣場有一連串的親子活動比放暑假的小朋友玩﹗雖然大頭妹未返學，根本就未有暑假，相反8月就要返學 (好期待)，不過星期日FAMILY DAY都要諗下節目，成日困係屋企好悶嘛﹗上星期日見天氣好好，而且大頭妹的病都好得7788，就帶了大頭妹上山頂參加 "我的有機暑假" 活動﹗對上一次同大頭妹去山頂，已經是差不多一年前，參加阿旺公司搞的慈善行山。

今次我地參加咗山頂廣場的 "環保探索"，唔講唔知原來山頂廣場有好多環保的設施，好似太陽能/ 風力發電，而且好多設施都用上環保物料﹗小朋友探索完仲可以親手制作環保車﹗大頭妹當然未識整，亦未識環保，不過環保的意識真是應該自小培養。

之 後我地仲參加咗 "親子有機耕作"，成個WORKSHOP分 3 PARTS，包括講解﹑實踐同TEA TIME﹗第1PART是講解，介紹香港常見的蔬菜 (中英文名稱)﹑有機菜的好處﹑點解食蔬菜要食岩季節的，仲要小朋友估下邊啲蔬菜是夏天/冬天的﹗EHEH...大頭妹當然聽唔明啦﹗不過我聽完都好有得 著，原來食岩季節的蔬菜，除咗價錢會比較平之外，原來仲因為要種唔岩季節的蔬菜，蔬菜都會 "易病" 啲，咁自然就有機會要落多啲農藥啦﹗哦﹗原來如此﹗聽完講解，第2PART就身體力行去 "耕田" 啦﹗真是估唔到，原來山頂廣場L3是有一個小小的種植場﹗小朋友可以親手種植菜苗﹗大頭妹雖然是年紀最細的參加者，不過佢都玩得好開心﹗仲玩到唔捨得走﹗ 最後就是茶點時間，耕完田咁辛苦，要涼下冷氣...HEHEHEHEH...食完茶點，老師仲會頒發證書比每一位參加的小朋友﹗

另外除咗以上2個活動，山頂廣場整個8月份的週未都有表演節目，好似我地當日就有音樂演奏﹑芭蕾舞同爵士舞的表演﹗大頭妹好鍾意睇人拉小提琴，又好鍾意睇跳舞﹗8月11日同8月25日仲有BABY FASHION SHOW﹗HEHEHE...好想再同大頭妹上去睇過﹗


"環保探索" 團，有環保大使帶小朋友參觀山頂廣場的環保設施。

原來佢地係L3的露天廣場種咗好多蔬菜架﹗

參觀完就去整環保氣車﹗

自拍的兩父女﹗

"親子有機耕作" WORKSHOP，比小朋友認識一下香港常見的蔬菜﹗

之後就出去露天廣場種菜啦﹗對住個咁靚的景種菜，呢種機會唔係時時有﹗

導師好細心咁教大頭妹翻土再放種子﹗

之後就要淋水﹗

學識步驟之後就要放真的菜苗落泥土啦﹗

EHEHEHE...會MARK住小朋友個名架﹗菜苗，你同大頭妹都要快高長大呀﹗

大頭妹好鍾意翻土...翻到唔捨得走﹗

個樣幾認真﹗

難得同個囡戶外活動﹗

之前上堂用報紙摺咗個花盤。

原來是用嚟帶走菜苗比小朋友返屋企繼續種﹗

最後是茶點時間﹗

玩咗成個鐘，是時候休息一下啦﹗

呢個WORKSHOP係8月份逄星期日 3:00開始，1 日得1節，因為1節都 3小時，$150 包2位大人同1位11歲以下的小朋友，真是抵玩過上PLAYGROUP﹗最仲要是有我地 "怪獸家長" 鍾意的 "證書" ﹗

提外話: 配合"我的有機暑假" 活動，8月份山頂廣場的 ORGANIC BABY同ORGANIC TIMES都有8折優惠。係花壽司消費滿 $60或以上，送小熊壽司一件，送完即止﹗

想知更多活動的資料，就去山頂廣場的FACEBOOK PAGE睇下啦﹗: https://www.facebook.com/PeakGalleria