由小丸子一個月開始，我每日都會加一餐奶粉比佢，因為上次大頭妹的時候，我放產假期間都冇比佢食奶樽，到我返工的時候唔識食，1個鐘先食得2 OZ，餵奶餵到好似打仗咁﹗今次撞岩轉工人，佢一個湊大頭妹加小丸子，然後餵奶仲要打仗...我估佢好快就唔做﹗
今次有經驗，就早少少比小丸子試奶樽啦﹗貪新鮮用CHU CHU奶咀 (以為貴就好嘛)，點知小丸子唔識食，之後去醫院的時候，護士介紹用NUK黃色個隻奶咀，佢話是橡膠，比較軟身，之後再試又真是得喎﹗﹗
不 過今次我泵唔到奶，尤其是上次大病之後，真是奶量急降，病的中途仲谷奶，病完就無奶啦﹗而且今次我一個湊2個，根本冇時間比我泵奶，所以都提早比小丸子食 奶粉，而且都要比佢的腸胃早少少適應﹗原來真是個個BB唔同，大頭妹食媽媽奶的時候一日痾3-4次﹗小丸子好細個的時候，已經是一日一次至兩日一次，所以 初初加奶粉的時候都有少少擔心，雖然醫生話3-4日一次都是正常，好彩加咗奶粉之後都仲是一至兩日一次，同之前無分別，便便都是軟軟的﹗
上 次大頭妹轉食奶粉之後出濕疹，醫生介紹轉飲雀巢能恩，佢話雀巢是水解蛋白，對一般大粒牛奶蛋白敏感的話，可以試下轉飲呢隻，再唔得就可能要轉飲豆奶﹗好彩 上次大頭妹轉飲呢隻之後，咀仔邊的濕疹就好返啦﹗我同阿旺都係敏感人，為咗預防，所以我地今次都比小丸子飲返呢隻﹗我睇返佢的營養都同其他牌子差唔多，不 過就比一般奶粉嘅蛋白再細D，容易啲消化同吸收，而且佢無加蔗糖，唔會等寶寶習慣食甜﹗
好鍾意呢個動物PATTERN﹗
升級變咗 NAN PRO﹗之前叫 NAN HA﹗
升級之後連入面的設計都唔同咗﹗
新匙羹設計，可以long住隻匙羹，匙羹唔會掂到奶粉，又唔會整污髒手指﹗GOOD﹗
平時食媽媽奶唔知小丸子食幾多，原來佢已經可以食到 6 OZ﹗唔怪得佢已經由小碼B追到去中大碼啦﹗
HEHEHE...大頭妹依家都係飲得4 OZ奶，佢同小丸子可以交換奶樽啦﹗小丸子要用大奶樽，家姐姐大頭妹用返細樽﹗
沒有留言:
張貼留言