大頭妹學校PN班安排頭3日都只是返1小時，頭2日可以有家長陪同。第2個星期返2小時，第3個星期視乎第2個星期的表現，如果沒有喊得太厲害，就可以開始返 3小時啦﹗
第 一日由我陪上堂，主要都是同家長講觲上堂的模式。有我陪大頭妹當然沒有喊啦﹗大頭妹仲不停要行出自己個位，又話要跳舞，又話要玩玩具﹗之後唱遊堂的時候最 開心﹗不過中間可能佢太悶，佢要行出去的時候，老師唔比佢出去...佢扭計瞓地...仲要喊﹗不過媽媽我一出馬就收聲坐好啦﹗
第二日由阿旺陪上堂，聽阿旺講表現都ok，沒有扭計啦﹗
第三日要自己一個上堂，是真正考驗的開始，竟然都沒有喊﹗
第4日要自己一個上2小時，可能佢開始明白 "返學" 是什麼一回事，個日阿旺係學校門口一放底佢就喊，不過老師都十分有經驗，家長一放底小朋友，佢地就以 9秒9的時間帶小朋友入課室﹗之後一日都有喊，阿旺話佢去到學校門口就已經眼紅紅同自己講唔好喊﹗
當晚我就試下同佢講故事 "大頭妹的一天"，同佢講一次佢一日要做什麼。我同佢講: 我地一早起身飲奶奶，之後去洗手間﹑刷牙﹑洗面﹑換校服﹑食早餐啦﹗之後爸爸媽媽就會帶你返學，學校有老師同同學同你玩，老師會好似媽媽咁同你玩架喎﹗會唱歌跳舞啦﹗又會講故事比烯烯聽，同比茶點你食架喎。你返學的時候，爸爸媽媽就去返工。放學呢，WAITAH 姐姐就會去接你返屋企，返到屋企就食午餐，食完午餐就睇 MICKEY MOUSE同瞓晏覺，瞓醒就沖涼。沖完涼玩一陣，爸爸媽媽就放工同你玩啦﹗你要係屋企等爸爸媽媽架喎﹗我地玩一陣就食晚餐，食完玩一陣就入房瞓覺啦﹗我一講完佢就瞓咗﹗
之後第2日返學 (第6日返學)，佢就無喊啦﹗見到喊的同學，仲話 : 唔好喊啦，爸爸返工啦﹗媽媽返工啦﹗真是比佢笑鬼死
﹗第一日返完學仲要係學校玩一陣。
坐地鐡返屋企，影相留念﹗
最後，星期四大頭妹的班主任打電話比我，報告一下大頭妹返學的情況。班主任讚大頭妹好叻，返學已經2日沒有喊 (即是我地走咗都沒有喊喎﹗)，可以自己去洗手間，咁多日都沒有 "失手" 瀨尿，願意收拾玩具，可以自己食茶點同飲水﹗真是好慶幸自己坐月的時候幫大頭妹戒咗片，又train咗佢自己食野同飲水﹗唯一是老師話大頭妹食手指問題好嚴重，除了茶點時間，其他時間都放手指入口 ﹗問我地有冇幫佢介食手指...唉...手指水﹑白花油﹑辣椒仔都試過晒啦﹗老師話大家一齊努力幫大頭妹戒食手指﹗
大家LIKE咗我地個PAGE未呀？
沒有留言:
張貼留言