大頭妹27個月，開學啦﹗

話咁快大頭妹就27個月，仲搭正27個月開學﹗我個囡真是大個啦﹗不經不覺已經要返學，唔係有咗小丸子，我仲係覺得大頭妹是個BB﹗

體重: 上星期日上磅，病完得返 22磅，仲輕咗1磅﹗本來已經瘦的大頭妹變成火柴人﹗依家真係大頭妹啦，因為得返個頭，手腳真係得條骨，自己睇見都心痛，不過媽咪話我細個都係咁，我仲可能瘦少少﹗

飲 食: 自從我自己湊之後，我就SET過一個TIME TABLE，一早起身就飲 4OZ奶，9:00就食早餐，通常都是食粟米片，食細的半盒至一盒，我會比埋啲鮮奶佢飲。11:00食生果，食1/4日本蘋果。12:30食LUNCH， 一個星期食2-3次粥，1-2次炒飯，2-3次通粉 (一碗滿的)。3:00飲 4OZ奶，6:00食DINNER，同LUNCH一樣﹗8:00大人食飯，佢又食少少飯/ 飲湯，9:00食完飯食少少生果。10:00飲多一次 4OZ奶就瞓啦﹗其實咁樣食得少唔少呢？﹗依家我地都諗梗方法食肥大頭妹﹗

學習能力: 其實有咗小丸子之後，成日都會覺得自己忽略咗大頭妹 (睇返上一篇的成長報告，竟然是 23個月的，即小丸子仲未出世﹗)，最近我地仲覺得大頭妹說話能力慢咗，佢仲未識講完整句子，不過都識將名詞同動詞加埋，最叻就是講: XX，糖糖食 (叫人比糖佢食)﹑爺爺唔比食手指﹑爸爸IPAD入房 (入房睇IPAD)﹗上星期病的時候....仲恐怖，好似變返BB咁，不停EERR，再唔係就NONO，咩都NONO﹗

不過同妹妹相處咗 3個幾月，最近開始接受妹妹啦﹗妹妹張被跌咗，佢會幫佢執返再蓋好﹗問佢同妹妹一齊瞓好唔好，都開始答好啦﹗同妹妹一齊瞓的時候，又會小心唔好整到妹妹﹗ 試過唔覺意踢到妹妹，之後佢話 "踢死妹妹啦" (佢次次踢到妹妹我就會咁講)，然後佢卷埋自己瞓 (唔比自己踢到妹妹)，媽媽實在太開心啦﹗希望大頭妹會越來越惜妹妹啦﹗


睇下我為大頭妹預備咗咩開學用品？﹗

學生相

名貼﹗

M&S底衫褲，我估返學要著白底衫褲呱，買定先啦﹗

上網睇大頭妹讀的幼稚園，成日比人話好商業。
HEHEHE...講真都是...連襪都要買有學校LOGO的﹗
不過阿旺又鍾意佢著重英文，其實有一間有學卷幼稚園都收咗大頭妹 (個間著重中文)，
不過我地無留位，唔想霸咗人地個位，
依家覺得讀無學卷的...真是好貴，仲要交足12個月學費﹗

我的弧寒旺...買得一對...我都唔知第2日點返學啦﹗



校服裙﹑運動服﹑外套﹗

吉之島買的FROG黑鞋 $189﹗見啲皮幾軟身，又唔貴。
FROG平過DR. KONG好多(DR. KONG要$299仲要是會員價)，
QUALITY又好似差唔多(我覺得好過添呀)﹗
不過白色運動鞋買咗DR. KONG，因為想要的款FROG無大頭妹的SIZE﹗

大家LIKE咗我地個FACEBOOK PAGE未呀？﹗